ຄະນະບໍລິຫານງານຊາວໜຸ່ມແຂວງສາລະວັນ ຮ່ວມກັບອົງການກາແດງແຂວງ ຈັດຕັ້ງເລົ່າຄືນມູນເຊື້ອວັນສໍາຄັນຕ່າງໆ ຂອງພັກຂອງຊາດ ແລະ ວັນສ້າງຕັ້ງກອງເຍົາວະຊົນທັນວາ ແລະ ການສ້າງຕັ້ງອົງການກາແດງລາວ

ມາໃນວັນທີ 11 ພະຈິກ 2019 ນີ້ ຄະນະໂຄສະນາອົບຮົມແຂວງສາລະວັນ, ຄະນະບໍລິຫານງານຊາວໜຸ່ມແຂວງ ແລະ ອົງການກາແດງແຂວງສາລະວັນ ໄດ້ຈັດຕັ້ງໂຄສະນາ-ປາຖະກະຖາ ລະນຶກວັນສະຖາປະນາ  ສາທາລະນະລັດ  ປະຊາທິປະໄຕ  ປະຊາຊົນລາວ ຄົບຮອບ 44 ປີ ແລະ ວັນຄ້າຍເກີດ ປະທານ ໄກສອນ ພົມວິຫານ ຄົບຮອບ 99 ປີ, ວັນສ້າງຕັ້ງກອງເຍົາວະຊົນທັນວາ ຄົບຮອບ 64 ປີ ແລະ ວັນສ້າງຕັ້ງອົງການກາແດງລາວ ຄົບຮອບ 65 ປີ ໂດຍໃຫ້ກຽດຂຶ້ນປາຖະກະຖາໃນຄັ້ງນີ້ ໂດຍທ່ານ ສີເຮັງ ຫອມສົມບັດ ຄະນະປະຈໍາພັກແຂວງ,   ຫົວໜ້າຄະນະໂຄສະນາອົບຮົມແຂວງ ໃຫ້ກຽດເຂົ້າຮ່ວມຮັບຟັງ  ຂອງທ່ານ  ສະມາຊິກຊາວໜຸ່ມອ້ອມຂ້າງແຂວງ,  ເມືອງສາລະວັນ, ຄູ-ອາຈານ, ພ້ອມດ້ວຍສະມາຊິກຊາວໜຸ່ມ ແລະ ນ້ອງນ້ອຍເຍົາວະຊົນ ເຂົ້າຮ່ວມທັງໝົດ  580 ທ່ານ,  ຍິງ283 ທ່ານ, ໃນພິທີຄັ້ງນີ້ ໄດ້ຮັບຟັງການເລົ່າຄືນມູນເຊື້ອ  ວັນຊາດທີ 2 ທັນວາ   ວັນມະຫາໄຊຊະນະຂອງປວງຊົນລາວທັງຊາດ   ແລະ   ຍັງໄດ້ຮັບຟັງການເລົ່າຄືນວັນຄ້າຍວັນເກີດ   ປະທານ   ໄກສອນ ພົມວິຫາ   ຄົບຮອບ   99 ປີ, ແລະ ປະຫວັດຄວາມເປັນມາຂອງການສ້າງຕັ້ງກອງເຍົາວະຊົນທັນວາ ແລະ ຄວາມຮູ້ກ່ຽວອົງການກາແດງ ພ້ອມທັງໄດ້ຈັດຕັ້ງກິດຈະກໍາບໍລິຈາກເລືອດຢ່າງເປັນຂະບວນຟົດຟື້ນ ຈຸດປະ ສົງໃນຈັດຕັ້ງປາຖະກະຖາຄັ້ງນີ້ ແມ່ນເພື່ອເຮັດໃຫ້ພະນັກງານສະມາຊິກຊາວໜຸ່ມອ້ອມຂ້າງແຂວງ ,  ເມືອງ, ຄູ-ອາຈານ, ສະມາຊິກຊາວໝຸ່ມ ແລະນ້ອງນ້ອຍເຍົາວະຊົນ ຈາກໂຮງຮຽນ ມສ ສາລະວັນ ຮູ້ເຖິງມູນເຊື້ອ ແລະ ຄວາມສໍາຄັນຂອງວັນຊາດທີ 2 ທັນວາ ແລະ ຮູ້ເຖິງປະຫວັດຄວາມເປັນມາຂອງຊາດລາວ ກ່ອນມີພັກນໍາພາ   ແລະ   ຮູ້ເຖິງຄວາມປີຊາສາມາດຂອງພັກ    ທີ່ສາມາດກອບກູ້ເອົາເອກະລາດ ແລະ ສ້າງຕັ້ງສາທາລະນະລັດປະຊາທິປະໄຕ   ປະຊາຊົນລາວ   ໃນວັນທີ 2 ທັນວາ   ປີ 1975. ນອກນັ້ນ ເພື່ອໃຫ້ນ້ອງນ້ອຍນັກຮຽນຮູ້ເຖິງປະຫວັດຄວາມເປັນມາຂອງການສ້າງຕັ້ງກອງເຍົາວະຊົນທັນວາ   ແລະ    ປະຫວັດການສ້າງຕັ້ງອົງການກາແດງລາວ ພິທີຄັ້ງນີ້, ໄດ້ດໍາເນີນໄປເປັນເວລາ 1 ຄາບຈື່ງປິດດ້ວຍຜົນສໍາເລັດຢ່າງຈົບງາມ.