ຄະນະໂຄສະນາອົບຮົມເມືອງຄົງເຊໂດນ ເປີດຮຽນສະໜັບສະໜູນ ໃຫ້ແກ່ມະຫາຊົນຜູ້ທີ່ມີຄວາມກ້າວໜ້າ.

16

ໃນຕອນເຊົ້າຂອງວັນທີ 20 ເມສາ 2021 ນີ້, ຄະນະໂຄສະ ນາອົບຮົມເມືອງຄົງເຊໂດນ  ໄດ້ເປີດຮຽນສະໜັບສະ ໜູນ ໃຫ້ແກ່ມະຫາຊົນຜູ້ທີ່ມີຄວາມກ້າວໜ້າເພື່ອຂະ ຫຍາຍເຂົ້າເປັນສະມາຊິກພັກປະຊາຊົນ ປະຕິວັດລາວຂຶື້ນທີ່ສະໂມສອນໃຫຍ່ ຂອງເມືອງ   ໂດຍພາຍໃຕ້ການເປັນປະທານແລະໃຫ້ກຽດຜ່ານເອກະສານເປົ້າໝາຍຂະ ຫຍາຍເຂົ້າພັກ ຂອງສະຫາຍ ພູມີ ສີຫັດຍາ ຮອງຫົວໜ້າຄະນະໂຄສະນາອົບຮົມເມືອງຄົງເຊໂດນ,

ມີບັນດາມະຫາ ຊົນຜູ້ທີ່ມີຄວາມກ້າວ ໜ້າເຂົ້າຮຽນທັງໝົດ 24 ສະ ຫາຍ, ຍີງ 7ສະຫາຍ.ໃນພິທີ ສະຫາຍ ພູມີ ສີຫັດຍາ  ຮອງຫົວ ໜ້າຄະນະໂຄສະນາອົບຮົມເມືອງຄົງເຊໂດນໄດ້ຜ່ານ ເອກະສານອົບຮົມເປົ້າໝາຍຂະຫຍາຍເຂົ້າພັກ ປະກອບມີ 11 ເນື້ອໃນຕົ້ນຕໍ:  ໃນພິທີ,  ບັນດາມະຫາຊົນຜູ້ທີມີຄວາມກ້າວໜ້າໄດ້ຕັ້ງໜ້າເອົາໃຈໃສ່ຕິດຕາມ, ບັນທຶກບົດຮຽນ  ແລະ  ເຮັດໃຫ້ບັນດາມະຫາຊົນຜູ້ທີ່ມີຄວາມກ້າວໜ້າຮັບຮູ້ເຂົ້າໃຈກ່ຽວກັບບັນດາເນື້ອໃນພື້ນຖານການກໍ່ສ້າງພັກ, ປະຫວັດຄວາມເປັນມາຂອງພັກ ແລະ ປະທານໄດ້ເນັ້ນໜັກໃຫ້ມະຫາຊົນ ຜູ້ທີ່ມີຄວາມກ້າວໜ້າຕ້ອງປະຕິບັດຢ່າງເຂັ້ມງວດ.

ນອກນັ້ນ, ສະຫາຍ ຍັງໄດ້ຜ່ານມາດຖານ​ເງື່ອນ​ໄຂ​ຜູ້​ທີ່​ຈະ​ຂະຫຍາຍ​ເຂົ້າ​ເປັນ​ສະມາຊິກ​ພັກ​ປະຊາຊົນ​ປະຕິວັດ​ລາວ​ມີ​ດັ່ງ​ນີ້: ແມ່ນ​ພົນລະ​ເມືອງ​ລາວ​ທີ່​ມີ​ອາຍຸ​ແຕ່ 18  ປີ​ຂື້ນ​ໄປ  ​ເຊີ່ງ​ຜ່ານ​ການ​ຝຶກ​ຝົນຫຼໍ່ຫຼ​ອມ  ​ໃນ​ຂະ​ບວນການ​ປະ ຕິວັດຂອງ​ມະຫາຊົນ, ມີ​ຜົນງານ​ດີ​ເດັ່ນ ​ໄດ້​ຮັບ​ຄວາມ​ເຊື່ອ​ຖື ​ແລະ ​ໄວ້​ວາງ​ໃຈ​ຈາກ​ມະຫາຊົນ, ​ແມ່ນ​ຜູ້​ທີ່​ມີ​ຄວາມ​ຕື່ນ​ຕົວ​ທາງ​ດ້ານ​ການ​ເມືອງຕາມ​ອຸດົມ​ຄະຕິ​ຂອງ​ພັກ,ຜ່ານ​ການ​ທົດ​ສອບ​ໃນ​ວຽກງານ​ຕົວ​ຈີ​ງ, ເຮັດ​ສຳ​ເລັດໜ້າທີ່ ທີ່​ພັກ ​ແລະ ການ​ຈັດ​ຕັ້ງ​ມອບໝາຍ​ໃຫ້, ​ແມ່ນ​ຜູ້​ທີ່​ມີ​ຊີວະ​ປະຫວັດ​ຈະ​ແຈ້ງ ຂາວ​ສະອາດ, ມີ​ຄຸນ​ທາດ​ການ​ເມືອງ, ໜັກ​ແໜ້ນ, ມີ​ຄຸນສົມບັດ​, ສິນ​ທຳ​ປະຕິວັດ, ມີ​ຄວາມ​ຮູ້, ຄວາມ​ສາມາດ, ມີ​ສຸຂະພາບ​ດີ ​ແລະ ​ເປັນ​ແບບຢ່າງ​ນຳໜ້າ​ໃນ​ຂະ​ບວນການ​ຂອງ​ມະຫາຊົນ, ແມ່ນ​ຜູ້​ທີ່​ຕື່ນ​ຕົວ​ສະໝັກ​ໃຈ ​ເຂົ້າ​ເປັນ​ສະມາຊິກ​ພັກ,  ຍິນ​ດີ​ປະຕິບັດ​ກົດ​ລະບຽບພັກ, ​ໂຄງການການ​ເມືອງ​ຂອງ​ພັກ, ເຂົ້າ​ຮ່ວມ​ດຳ​ເນີນ​ຊີວິດ​ການ​ເມືອງ​ ຢູ່​ໃນ​ການຈັດ​ຕັ້ງ​ຮາກ​ຖານ​ພັກ ແລະ ເສຍເງີ​ນສະຖິຕິ​ພັກ​ເປັນ​ປົກກະຕິ. ໃນທ້າຍ ພິທີ ຍັງໄດ້ມອບຮັບໃບຢັ້ງຢືນຂອງສະຫາຍ ພູມີ ສີຫັດຍາ ຮອງຫົວໜ້າຄະນະໂຄສະນາອົບຮົມເມືອງ ແລະ ຂຶ້ນຮັບມີບັນດາມະຫາຊົນຜູ້ທີ່ມີຄວາມກ້າວໜ້າ.

 

ແບ່ງປັນ