ຄະນະໂຄສະນາອົບຮົມເມືອງລະຄອນເພັງ ເປີດຊຸດຝຶກອົບຮົມທິດສະດີການເມອງ-ການປົກຄອງລະບົບ 10 ວັນ ໃຫ້ແກ່ເລຂາຄະນະພັກ-ນາຍບ້ານ ຮຸ່ນທີ II

5

ໃນຕອນເຊົ້າ ວັນທີ16/3/2021 ຄະນະໂຄສະນາອົບຮົມເມືອງຮ່ວມກັບໂຮງຮຽນການເມືອງການປົກຄອງແຂວງ ໄດ້ຈັດຊຸດຝຶກອົບຮົບທິດສະດີການເມືອງ-ການປົກຄອງ ໃຫ້ແກ່ເລຂາຄະນະພັກ-ນາຍບ້ານທົ່ວເມືອງຂື້ນ ທີ່ສະໂມສອນໃຫຍ່ ເມືອງລະຄອນເພັັງ, ແຂວງສາລະວັນ ໂດຍໃຫ້ກຽດເຂົ້າຮ່ວມເປັນປະທານ ແລະ ກ່າວເປີດພິທີຂອງ ທ່ານ ທອງດີ ຈັນທະວົງ ກຳມະການພັກແຂວງ, ເລຂາພັກ-ເຈົ້າເມືອງລະຄອນເພັງ.ໃນພີທີມີທ່ານ ນາງ ໄກ່ສອນ ຝ້າຍພົມມະວົງໄຊ ເລຂາຫນ່ວຍພັກ ຮັກສາການອຳນວຍການໂຮງຮງນການເມືອງ-ການປົກຄອງແຂວງ, ທ່ານ ນາງ ສຸວັນນີ ລາຊະວົງເມືອງ ກຳມະການພັກເມືອງ, ຫົວຫນ້າຄະນະໂຄສະນາອົບຮົມເມືອງ, ນອກຈາກນັ້ນ ຍັງມີຄະນະປະຈຳພັກ, ກຳມະການພັກ, ຫົວຫນ້າຫ້ອງການ, ອົງການທຽບເທົ່າອອ້ມຂ້າງເມືອງ ເຂົ້າຮ່ວມ. ໃນນັ້ນມີບັນດານັກສຳມະນາກອນ ທັງຫມົດ 85 ທ່ານ, ຍິງ 5 ທ່ານ. ລວມຜູ້ເຂົ້າຮ່ວມທັງໝົດ 101 ທ່ານ, ຍິງ 7 ທ່ານ. ຈຸດປະສົງໃນການເປີດບັ້ນເຝິກອົບຮົມຄັ້ງນີ້ ກໍ່ເພື່ອເປັນການຍົກລະດັບທາງດ້ານການເມືອງ, ການນຳພາ-ການຄຸ້ມຄອງບໍລິຫານ ໃຫ້ຖືກຕ້ອງຕາມແນວທາງ ແລະ ລະບຽບກົດໝາຍ ທັງສອດຄ່ອງກັບທ່າອ່ຽງການຂະຫຍາຍຕົວຂອງສັງຄົມໃນຍຸກປະຈຸບັນອີກດ້ວຍ. ໃນບັ້ນຊຸດເຝິກອົບຮົມທິດສະດີການເມືອງ-ການປົກຄອງໄລຍະສັ້ນໃຫ້ແກ່ເລຂາຄະນະພັກ- ນາຍບ້ານພາຍໃນເມືອງລະຄອນເພັງຄັ້ງນີ້ ແມ່ນຈະໄດ້ດຳເນີນໄປເປັນເວລາ 10 ວັນ ແລະ ໃນບັ້ນຝຶກອົບຮົມ ຈະໄດ້ນໍາໃຊ້ເອກະສານ ຈໍານວນ 19 ບົດ: ບົດທີ 1 ພັດທະນາປະເທດຊາດຕາມທິດສັງຄົມນິຍົມຢູ່ປະເທດເຮົາ. ບົດທີ 2 ການພັດທະນາເສດຖະກິດຢູ່ຂັ້ນບ້ານ, ບົດທີ3 ສ້າງສະຕິກົດໝາຍໃຫ້ປະຊາຊົນຢູ່ຂັ້ນບ້ານ, ບົດທີ4 ສ້າງຄວາມສະມັກຄີຢູ່ພາຍໃນບ້ານ, ບົດທີ2 ວຽກພັກ ບົດທີ5 ບົດບາດຂອງພັກປະຊາຊົນປະຕິວັດລາວ ໃນປະຈຸບັນ, ບົດທີ6 ສ້າງໜ່ວຍພັກຮາກຖານບ້ານໃຫ້ປອດໃສ, ເຂັ້ມແຂງ ແລະ ໜັກແໜ້ນທັງ 5ດ້ານ, ບົດທີ7 ຍົກສູງຄຸນນະພາບສະມາຊິກພັກ ແລະ ວຽກງານຂະຫຍາຍພັກໃນໄລຍະໃໝ່, ບົດທີ8 ຄວາມຮັບຜິດຊອບຂອງພະນັກງານນໍາພາ-ຄຸ້ມຄອງຕໍ່ການປະຕິບັດໜ້າທີ່ການເມືອງຢູ່ຮາກຖານບ້ານ, ບົດທີ 9 ການນຳພາຂອງໜ່ວຍພັກບ້ານຕໍ່ການສ້າງເສດຖະກິດຄອບຄົວ, ບົດທີ 10 ການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ.

ບົດທີ 11 ວຽກງານຕິດຕາມກວດກາພັກ ຂອງການຈັດຕັ້ງຮາກຖານພັກບ້ານ, ບົດທີ 12 ວຽກງານຄຸ້ມຄອງພົນລະເມືອງ, ບົດທີ 13 ຕ້ານປະກົດການຫຍໍ້ທໍ້ໃນສັງຄົມທີ່ເກີດຢູ່ຂັ້ນບ້ານ, ບົດທີ 14 ການພັດທະນາວຽກງານສຶກສາ ແລະ ສາທາລະນະສຸກຂັ້ນບ້ານ, ບົດທີ 15 ວຽກງານຍຸຕິທຳຮາກຖານ ແລະ ການສ້າງບ້ານປອດຄະດີ , ບົດທີ 16 ການສ້າງຄອບຄົວ ແລະ ບ້ານວັດທະນະທຳ.

ບົດທີ 17 ຄວາມຮູ້ພື້ນຖານກ່ຽວກັບກົດໝາຍຂະແໜ່ງກະສິກຳ-ປ່າໄມ້, ບົດທີ 18 ຄຸ້ມຄອງການນຳໃຊ້ທີ່ດິນຂອງບ້ານ, ບົດທີ 19 ການສ້າງແຜນພັດທະນາບ້ານ, ການສ້າງບົດສະຫຼຸບ ແລະ ບົດລາຍງານການເຄື່ອນໄຫວຂອງບ້ານ. ໃນຕອນທ້າຍ ທ່ານ ນາງ ໄກສອນ ຝ້າຍພົມມະວົງໄຊ ຮັກສາການໂຮງຮຽນທິດສະດີການເມືອງ- ການປົກຄອງແຂວງສາລະວັນ ໄດ້ມອບທຶນສະໜັບສະໜູນຊ່ວຍເຫຼືອ ໃນບັ້ນເຝິກອົບຮົມຄັ້ງນີ້ ຈຳນວນ 8,420,000 ກີບ ຮັບໂດຍ ທ່ານ ທອງດີ ຈັນທະວົງ ເຈົ້າເມືອງລະຄອນເພັງ ເພື່ອປະກອບສ່ວນເຂົ້າໃນການຮຽນການສອນໃຫ້ໄດ້ຮັບຜົນສຳເລັດອັນຈົບງາມ.

ແບ່ງປັນ