ຄະນະໂຄສະນາອົບຮົມແຂວງສາລະວັນ ເປີດຮຽນສະໜັບສະໜູນໃຫ້ມະຫາຊົນຜູ້ທີ່ມີຄວາມກ້າວໜ້າ ຊຸດທີ V ປະຈໍາປີ 2019

6

ມາໃນວັນທີ 7 ພະຈິກ 2019 ນີ້ ຄະນະໂຄສະນາອົບຮົມແຂວງສາລະວັນ ໄດ້ເປີດຮຽນສະໜັບສະໜູນໃຫ້ແກ່ມະຫາ ຊົນຜູ້ທີ່ມີຄວາມກ້າວໜ້າ ເພື່ອຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວ ຂຶ້ນທີ່ຫ້ອງປະຊຸມຊັ້ນ 3 ຂອງຫ້ອງວ່າການແຂວງ ໂດຍໃຫ້ກຽດເປັນປະທານ ຂອງທ່ານ ສີເຮັງ ຫອມສົມບັດ ຄະນະປະຈໍາພັກແຂວງ, ຫົວໜ້າຄະ ນະໂຄສະນາອົບຮົມແຂວງ, ເລຂາໜ່ວຍພັກຮາກຖານຄະນະໂຄສະນາອົບຮົມແຂວງ ໃນພິທີຄັ້ງນີ້ມີມະຫາຊົນຜູ້ທີ່ມີຄວາມກ້າວໜ້າ ເຂົ້າຮໍ່າຮຽນ ທັງໝົດ 42 ສະຫາຍ, ຍິງ 21 ສະຫາຍ ມາຈາກ 7 ພາກສ່ວນເຂົ້າຮ່ວມຄື: ໜ່ວຍພັກຮາກຖານພະແນກກະສິກໍາ ແລະ ປ່າໄມ້ແຂວງ, ຄະນະພັກຮາກຖານວິທະຍາໄລຄູແຂວງ, ໜ່ວຍພັກສານປະຊາຊົນ, ໜ່ວຍພັກທະນາຄານການຄ້າມະຫາຊົນຕ່າງປະເທດລາວສາຂາແຂວງສາລະວັນ, ໜ່ວຍພັກພະແນກສາທາລະນະສຸກແຂວງ, ໜ່ວຍພັກຫ້ອງວ່າການແຂວງແລະໂຮງຮຽນການເມືອງ-ການປົກຄອງແຂວງ. ເອກະສານທີ່ນໍາມາຝຶກອົບ ຮົມຄັ້ງນີ້ ແມ່ນເອກະສານອົບຮົມເປົ້າໝາຍຂະຫຍາຍເຂົ້າພັກ ປີ2016. ຈຸດປະສົງໃນການຝຶກອົບຮົມຄັ້ງນີ້ແມ່ນເພື່ອຂະຫຍາຍມະຫາຊົນຜູ້ທີ່ມີຄວາມກ້າວໜ້າ ເຂົ້າເປັນສະມາຊິກພັກປະຊາຊົນປະຕິວັດລາວ ໃນພິທີຄັ້ງນີ້, ໄດ້ດໍາເນີນໄປເປັນເວລາ 1 ຄາບຈິ່ງອັດລົງດ້ວຍຜົນສໍາເລັດຢ່າງຈົບງາມ.

ແບ່ງປັນ