ບ້ານດິນດາກ, ເມືອງຕຸ້ມລານ ແຂວງສາລະວັນ ຈັດພິທີເລື່ອນສະມາຊິກພັກສໍາຮອງຂຶ້ນເປັນສະມາຊິກພັກສົມບູນ

18

ໃນນຕອນເຊົ້າຂອງວັນທີ 16 ມີນາ 2021 ໜ່ວຍພັກບ້ານດິນດາກ ເມືອງຕຸ້ມລານ ໄດ້ຈັດພິທີເລື່ອນສະມາຊິກພັກສໍາຮອງ ຂຶ້ນເປັນສະມາຊິກພັກສົມບູນ ພິທີໄດ້ຈັດຂຶ້ນທີ່ໂຮງຮຽນບ້ານດິນດາກ, ໃຫ້ກຽດເຂົ້າຮ່ວມຂອງ ສະຫາຍ ນ. ແກ່ນຈັນ ຈັນທະສອນ ກຳມະການພັກເມືອງ, ຫົວໜ້າຄະນະໂຄສະນາອົບຮົມເມືອງ, ສະມາຊິກສະພາປະຊາຊົນແຂວງ ປະຈຳຢູ່ເມືອງຕຸ້ມລານ, ພາຍໃຕ້ການເປັນປະທານຂອງ ສະຫາຍ ສຳລານ ວົງຄຳຈັນ ເລຂາໜ່ວຍພັກ-ນາຍບ້ານດິນດາກ, ມີບັນດາສະມາຊິກພັກພາຍໃນບ້ານດິນດາກ ແລະ ບັນດາຄູ-ອາຈານ ເຂົ້າຮ່ວມ.ໃນພິທີເລື່ອນສະມາຊິກພັກສໍາຮອງຂຶ້ນເປັນສະມາຊິກພັກສົມບູນ, ສະຫາຍຜູ້ທີ່ຖືກເລື່ອນຈາກສໍາຮອງຂື້ນສົມບູນ ຈໍານວນ 2 ສະຫາຍ ໄດ້ຂຶ້ນຜ່ານບົດສໍາຫຼວດ ແລະ ກ່າວຄຳປະຕິຍານຕົນເອງ. ຕອນທ້າຍ ຂອງພິທີຍັງໄດ້ຮັບຟັງການມີຄຳເຫັນໂອ້ລົມຂອງສະຫາຍ ນ. ແກ່ນຈັນ ຈັນທະສອນ ກຳມະການພັກເມືອງ, ຫົວໜ້າຄະນະໂຄສະນາອົບຮົມເມືອງ, ສະມາຊິກສະພາປະຊາຊົນແຂວງ ປະຈຳຢູ່ເມືອງຕຸ້ມລານ ຕື່ມອີກ.

ແບ່ງປັນ