ເມືອງເລົ່າງາມສໍາເລັດໂຄສະນາເຜີຍແຜ່ການນໍາໃຊ້ສື່ສັງຄົມອອນລາຍໃຫ້ຖືກຕ້ອງ ເປັນຈຸດທີ 12 ຂອງແຂວງສາລະວັນ

8

ສໍາເລັດໂຄສະນາເຜີຍແຜ່ການນໍາໃຊ້ສື່ສັງຄົມອອນລາຍໃຫ້ຖືກຕ້ອງ ແລະ ຕອບຕ້ານປະກົດການຫຍໍ້ທໍ້ຕ່າງໆ ທີ່ເກີດ ຂຶ້ນໃນຄອບຄົວ, ສັງຄົມແລະ ໂຮງຮຽນ ຢູ່ເມືອງເລົ່າງາມ ເປັນຈຸດທີ 12 ຂອງແຂວງສາລະວັນ ມາໃນວັນທີ 5 ພະຈິກ 2019 ນີ້ ຄະນະໂຄສະນາອົບຮົມແຂວງ, ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງ, ພະແນກໄປສະນີ, ໂທລະຄົມມະນາຄົມແລະສື່່ສານແຂວງ, ພະແນກສຶກສາທິການແລະກິລາແຂວງແລະກອງບັນຊາການປ້ອງ ກັນຄວາມສະຫງົບແຂວງ ໄດ້ຮ່ວມກັນລົງເຄື່ອນໄຫວໂຄສະນາເຜີຍແຜ່ ການນໍາໃຊ້ສື່ສັງຄົມອອນລາຍໃຫ້ຖືກຕ້ອງ ແລະ ຕອບຕ້ານປະກົດຫຍໍ້ທໍ້ຕ່າງໆທີ່ເກີດຂຶ້ນໃນຄອບຄົວ, ສັງຄົມແລະ ໂຮງຮຽນ ຂຶ້ນທີ່ສະໂມສອນເມືອງເລົ່າງາມ ໂດຍການເປັນກຽດເຂົ້າຮ່ວມ ແລະ ກ່າວເປີດຂອງທ່ານ ສີເຮັງ ຫອມສົມບັດ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ໃນນັ້ນມີບັນດາທ່ານ ກຳມະການຄະນະປະຈໍາພັກເມືອງ, ຫົວໜ້າແລະຮອງຫ້ອງການ, ພະນັກ ງານ-ລັດຖະກອນ, ຄູ-ອາຈານ ຕະຫຼອດຮອດນັກຮຽນຈາກ ມສ ເລົ່າງາມ ເຂົ້າຮ່ວມທັງໝົດ 532 ຄົນ, ຍິງ 281 ຄົນ, ສະມາຊິກພັກ 177 ສະຫາຍ, ຍິງ 93 ສະຫາຍ, ເລຂາພັກ-ນາຍບ້ານ 18 ທ່ານ, ຍິງ 6 ທ່ານ ແລະ ນ້ອງນ້ອຍນັກຮຽນ 295 ຄົນ, ຍິງ 189 ຄົນ. ໃນພິີທີຄັ້ງນີ້ ເອກະສານທີ່ນໍາມາເຜີຍແຜ່ ມີ 6 ຫົວຂໍ້ຄື: ບັນດາກົດໝາຍ, ດໍາລັດທີ່ກ່ຽວຂ້ອງ ທີ່ຕິດພັນກັບການກະທໍາຜິດຜ່ານສື່ສັງຄົມອອນລາຍ ບັນຍາຍໂດຍທ່ານ ດໍາສະອາດ ນະແກ້ງສິມ ຈາກພະແນກໄປສະນີ, ໂທລະຄົມມະນາຄົມແລະສື່່ສານແຂວງ; ເອກະສານໃຊ້ເຄື່ອຂ່າຍສັງຄົມອອນລາຍໃຫ້ຖືກຕ້ອງ , ວິທີແກ້ໄຂບັນຫາຕ່າງໆ ເມື່ອມີບັນຫາໃນການນໍາໃຊ້ສື່ສັງຄົມອອນລາຍ ບັນຍາຍໂດຍ ທ່ານ ກິລິຍາ ຈັນທາລາ ຈາກພະແນກໄປສະນີ,ໂທລະຄົມມະນາຄົມແລະສື່່ສານແຂວງ,ເອກະສານບາງມາດຕາກົດໝາຍສື່ມວນຊົນແລະ ແຈ້ງການ ຂອງກະຊວງຖະແຫຼງຂ່າວ, ວັດທະທໍາແລະທ່ອງທ່ຽວ ບັນຍາຍໂດຍ ທ່ານ ສົມສັກ ພົດຈະເລີນ ຈາກພະແນກຖະແຫຼງຂ່າວ, ວັດທະທໍາ ແລະ ທ່ອງທ່ຽວແຂວງ, ເອກະສານກົດຈາລະຈອນຕາມເສັ້ນທາງຫຼວງ ບັນຍາຍໂດຍ ຮອ ບຸນຊ້ອນ ສີລິສັກ ແລະ ເອກະສານ ຜົນຮ້າຍ-ໄພອັດຕະລາຍຂອງຢາເສບຕິດ ບັນຍາຍໂດຍ ທ່ານ ນາງ ຮຕ ບຸນທະຫຼໍ່າ ຄຸມມະວົງ ວິຊາການ ຈາກ ປກສ ແຂວງ ແລະເອກະສານຫ້າມນໍາໃຊ້ສະມາດໂພນຢູ່ໂຮງຮຽນ ແລະ ການນໍາໃຊ້ສື່ສັງຄົມອອນລາຍໃນການທຸຈະລິດສອບເສັງ ບັນຍາຍໂດຍ ທ່ານ ເສົາສະໜານ ຫົວໜ້າສູນໄອທີ ຈາກພະແນກສຶກສາ ທິການແລະກິລາແຂວງ ຈຸດປະສົງຂອງການໂຄສະນາເທື່ອນີ້ ເພື່ອໃຫ້ພະນັກງານ-ລັດຖະກອນ,ຄູ-ອາຈານ ແລະ ນັກຮຽນ ຮູ້ວິທີການນໍາໃຊ້ສື່ສັງຄົມອອນລາຍໃຫ້ຖືກຕ້ອງ ແລະ ຮູ້ເຖິງຄຸນປະໂຫຍດ, ໂທດຂອງການຫຼີ້ນອິເຕີເນັດຫຼາຍເກີນໄປ, ຮູ້ກົດລະບຽບໃນການສັນຈອນຕາມທາງບົນທ້ອງຖະໜົນ, ຮູ້ຜົນຮ້າຍຂອງຢາເສບຕິດ ໃນຕອນທ້າຍພິທີ ຍັງໄດ້ຈັດກິດຈະກໍາຖາມ-ຕອບຢ່າງມີບັນຍາກາດຟົດຟື້ນ ໃນພິທີຄັ້ງນີ້ໄດ້ດໍາເນີນໄປເປັນເວລາ 1 ຄາບ ຈິ່ງປິດລົງດ້ວຍຜົນສໍາເລັດຢ່າງຈົບງາມ.

ແບ່ງປັນ