ຄະນະໂຄສະນາອົບຮົມແຂວງສາລະວັນ ມອບຂອງຂວັນໃຫ້ແກ່ເອືຶ້ອຍນ້ອງແມ່ຍິງພາຍໃນໜ່ວຍ

7
ເນື່ອງໃນວັນແມ່ຍິງສາກົນ ວັນທີ 8 ມີນາ 1910 – 8 ມີນາ 2021 ຄົບຮອບ 111 ປີ ຄະນະໂຄສະນາອົບຮົມແຂວງ ໄດ້ຈັດພິທີມອບຂອງຂວັນໃຫ້ແກ່ເອື້ອຍນ້ອງແມ່ຍິງພາຍໃນ ຂຶ້ນຢູ່ທີ່ຫ້ອງການຄະນະໂຄສະນາອົບຮົມແຂວງ ໂດຍເປັນກຽດເຂົ້າຮ່ວມເປັນປະທານຂອງທ່ານ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ແລະ ມີທ່ານ ນາງ ມະນີຈັນ ພົມມະແສງ ຄອບຄົວຄະນະນໍາ, ພະນັກງານ-ລັດຖະກອນ, ເອື້ອຍນ້ອງແມ່ຍິງ ພາຍໃນຄະນະໂຄສະນາອົບຮົມແຂວງ ເຂົ້າຮ່ວມທັງໝົດ 21 ທ່ານ , ຍິງ 11 ທ່ານ. ໃນພິທີທ່ານນາງບຸຜາ ສຸດທິຈັກ ຄະນະພັກ, ປະທານສະຫະພັນແມ່ຍິງ ຫນ່ວຍຄະນະໂຄສະນາອົບຮົມແຂວງ ໄດ້ຜ່ານຜົນງານການເຄື່ອນໄຫວໃນໄລຍະ 1 ປີ ຂອງຕົນ ເຊິ່ງເນື້້ອໃນມີດັ່ງນີ້: ສະຫະພັນແມ່ຍິງໜ່ວຍຄະນະໂຄສະນາອົບຮົມແຂວງ ເປັນໜ່ວຍເອກະລາດ ທີ່ຂຶ້ນກັບສະຫະພັນແມ່ຍິງແຂວງ ພາຍໃຕ້ການຊີ້ນໍາ-ນໍາພາຂອງຄະນະໂຄສະນາອົບຮົມແຂວງ ມີສະມຊິກທັງໝົດ 9 ສຫາຍ, ໃນນັ້ນ ມີສະມາຊິກພັກສົມບູນ 5 ສະຫາຍ, ຫົວໜ້າຂະແໜງ 2 ສະຫາຍ, ຮອງຂະແໜງ 1 ສະຫາຍ. ຜົນງານການເຄື່ອນໄຫວວຽກງານໃນໄລຍະໜື່ງປີຜ່ານມາ ມີດັ່ງນີ້: ກ, ວຽກງານສຶກສາອົບຮົມການເມືອງ-ແນວຄິດ
    ໃນໄລຍະຜ່ານມາສະຫະພັນແມ່ຍິງໜ່ວຍຄະນະໂຄສະນາອົບຮົມແຂວງ ໄດ້ເອົາໃຈໃສ່ສຶກສາອົບຮົມການເມືອງແນວຄິດ ໃຫ້ສະມາຊິກພາຍໃນໜ່ວຍ, ສະມາຊິກທຸກຄົນມີແນວຄິດຫຼັກໝັ້ນ ເຊື່ອໝັ້ນຕໍ່ການຊີ້ນໍາ-ນໍາພາຂອງພັກ-ລັດ. ສໍາລັບວຽກວິຊາສະເພາະກໍ່ມີຜົນສໍາເລັດໃນຫຼາຍດ້ານ. #ຫຼັງຈາກນັ້ນ,ທ່ານ ແຂກດາລາ ຟອງພົນເສນາ ຮອງຂະແໜງຄົ້ນຄວ້າສັງລວມຫາງສຽງສັງຄົມ, ເລຂາໜ່ວຍຊາວໜຸ່ນ ຄະນະໂຄສະນາອົບຮົມແຂວງ ໄດ້ຜ່ານສານອວຍພອນວັນແມ່ນຍິງ ດ້ວຍຄວາມຈິງໃຈ.
ໃນພິທີຄັ້ງນີ້, ຍັງໄດ້ມອບຂອງຂວັນໃຫ້ແມ່ຍິງ ແລະ ຄອບຄົວຄະນະນຳ ຂອງຄະນະໂຄສະນາອົບຮົມແຂວງ. ໂດຍໃຫ້ກຽດມອບຂອງທ່ານ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ.
ຫຼັງຈາກນັ້ນ,ທ່ານ ໄດ້ມີຄໍາເຫັນໂອ້ລົມ ກ່ອນອື່ນທ່ານ ໄດ້ຍ້ອງຍໍຊົມເຊີຍຕໍ່ໜ່ວຍແມ່ຍິງ ຄະນະໂຄສະນາອົບຮົມແຂວງ ທີ່ຍາດມາໄດ້, ທ່ານ ຍັງໄດ້ມີຄໍາເຫັນໂອ້ລົມ ມີທິດຊີ້ນໍາດັ່ງນີ້:
1. ແມ່ຍິງ ພາຍໃນໜ່ວຍ ຕ້ອງມີຄວາມສາມັກຄີພາຍໃນ ໃຫ້ໜັກແໜ້ນ.
2. ພາຍໃນໜ່ວຍແມ່ຍີງ ຕ້ອງມີການສະຫຼຸບລາຍງານວຽກຂອງຕົນໃຫ້ຂັ້ນເທິງເປັນປົກກະຕິ.
3. ຕ້ອງມີການສໍາຫຼວດກວດກາ, ດຳເນີນຊີວິການເມືອງພາຍໃນໜ່ວຍ ໃນແຕ່ລະເດືອນ.
4. ຕ້ອງປະສານສົບທົບ ກັບບັນດາພະແນກການໃຫ້ລະອຽດ.
5. ຕ້ອງມີຄວາມບຸກບືນ ຄົ້ນຄວ້າຮໍ່າຮຽນ ແລະ ເຮັດໜ້າທີ່ຂອງຕົນຕາມການມອບໝາຍຂອງຂັ້ນເທິງ ຢ່າງເປັນເຈົ້າການ.
ແບ່ງປັນ