ຄະນະນໍາຂອງແຂວງສາລະວັນ ເຂົ້າຮ່ວມວາງກະຕ່າດອກໄມ້ ແລະວາງພວງມາລາ ເນື່ອງໃນວັນຊາດ 2 ທັນວາຄົບຮອບ 45 ປີ ແລະ ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ.

61

ເນື່ອງໃນໂອກາດ ວັນຊາດທີ 2 ທັນວາ ຄົບຮອບ 45 ປີ (2ທັນວາ 1975-2ທັນວາ 2020 )ແລະ ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ (13ທັນວາ1920-13ທັນວາ2020)

  ມາໃນຕອນເຊົ້າວັນທີ 8 ທັນວາ 2020 ນີ້, ຄະນະນໍາແຂວງສາລະວັນ ໄດ້ວາງພວງມາລາ ແລະ ກະຕ່າດອກໄມ່ ນຳໂດຍທ່ານ ປອ ໂພໄຊ ໄຊຍະສອນ ກໍາມະການສໍາຮອງສູນກາງພັກ, ເລຂາພັກ ຮັກສາການເຈົ້າແຂວງໆສາລະວັນ ພ້ອມດ້ວຍຄະນະນໍາຂອງແຂວງ, ພະນັກງານຫຼັກແຫຼ່ງ ໄດ້ວາງພວງມາລາ ຢູ່ອະນຸສາວະລີ, ວາງກະຕ່າດອກໄມ້ ຢູ່ອານຸສອນສະຖານ ປະທານໄກສອນ ພົມວິຫານ ແລະ ອະນຸສອນສະຖານອົງແກ້ວ ວິລະບູນລຸດຂອງຊາດ ກ່ອນມີພັກນໍາພາ. ການວາງພວງມາລາ ແລະ ກະຕ່າດອກໄມ້ດັ່ງກ່າວ, ເພື່ອສະແດງເຖິງຄວາມເຄົາລົບຮັກ, ກະຕັນຍູຮູ້ບຸນຄຸນ ເຖິງຄຸນງາມຄວາມດີ ແລະ ຜົນງານອັນໃຫຍ່ຫລວງ ຂອງບັນພະບູລຸດລາວ ທີ່ໄດ້ອຸທິດຕົນເພື່ອປະເທດຊາດ ແລະ ການປະຕິວັດ, ຕໍ່ສູ້ກູ້ຊາດ ໃນໄລຍະຜ່ານມາ ຈົນສາມາດຍາດໄດ້ໄຊຊະນະ ແລະ ສະຖາປະນາ ເປັນສາທາລະນະລັດ ປະຊາທິປະໄຕ ປະຊາຊົນລາວ ໄດ້ຢ່າງສົມບູນ.

ແບ່ງປັນ