ສາລະວັນ ຈັດພິທີສະເຫຼີມສະຫຼອງວັນສະຖາປານາ ສປປ ລາວ ຄົບ ຮອບ 45 ປີ ແລະ ວັນເກີດປະທານໄກສອນ ພົມວິຫານ ຄົບຮອບ 100 ປີ ຕິດພັນກັບການເຜີຍແຜ່ຜົນສໍາເລັດ ກອງປະຊຸມໃຫຍ່ ຜູ້ແທນຂອງອົງຄະນະພັກແຂວງ

33

ມາໃນວັນທີ 8 ທັນວາ 2020 ທີ່ສະໂມສອນໃຫຍ່ ໄດ້ຈັດພິທີສະເຫຼີມສະຫຼອລ ວັນສະຖາປານາ ສປປ ລາວ ຄົບ ຮອບ 45 ປີ ແລະ ວັນເກີດປະທານໄກສອນ ພົມວິຫານ ຄົບຮອບ 100 ປີ ຕິດພັນກັບການເຜີຍແຜ່ຜົນສໍາເລັດ ກອງປະຊຸມໃຫຍ່ ຜູ້ແທນຂອງອົງຄະນະພັກແຂວງສາລະວັນ ໃນພິທີມີບັນດາທ່ານການນຳພັກ-ລັດ, ກຳມະການປະຈໍາພັກແຂວງ, ເລຂາພັກເມືອງ, ກຳມະການພັກເມືອງ, ຫົວໜ້າຄະນະໂຄສະນາອົບຮົມ 8 ເມືອງ, ຫົວໜ້າພະແນກການ, ພະນັກງານຫຼັກແຫລ່ງ, ພະນັກງານ – ລັດຖະກອນອ້ອມຂ້າງແຂວງ ເຂົ້າຮ່ວມ. ໃນພິທີ ໃຫ້ກຽດກ່າວຄໍາໄສ ເນື່ອງໃນວັນສະຖາປານາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 45 ປີ (2/12/1975-2/12/2020) ແລະ ວັນເກີດຂອງ ປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງປະຊາຊົນລາວທັງຊາດ ຄົບຮອບ 100 ປີ ( 13/12/1920-13/12/2020 ຂອງທ່ານ ປອ ໂພໄຊ ໄຊຍະສອນ ກໍາມະການສໍາຮອງສູນກາງພັກ, ເລຂາພັກ, ຮັກສາການເຈົ້າແຂວງໆສາລະວັນ.

ໃນພິທີ ຍັງໄດ້ຍົກໃຫ້ເຫັນເຖິງປະຫວັດສາດແຫ່ງການກໍາເນີດ ແລະ ການເຕີບໃຫຍ່ ຂະຫຍາຍຕົວຂອງຊາດລາວ ຕະຫຼອດໄລຍະ 45 ປີໃນການປົກປັກຮັກສາ ແລະ ສ້າງສາພັດທະນາປະເທດຊາດ, ທີ່ພັກປະຊາຊົນປະຕິວັດລາວໄດ້ເຮັດການປະຕິວັດຊາດປະຊາທິປະໄຕ, ນຳພາປົກປັກຮັກສາ ແລະ ສ້າງສາລະບອບໃໝ່, ເວລາໃດກໍຢຶດໝັ້ນລັດທິມາກ-ເລນິນເປັນພື້ນຖານແນວຄິດທິດສະດີ ແລະ ຢຶດຖືຫຼັກໝັ້ນຂອງຊົນຊັ້ນກຳມະກອນຢ່າງສະເໝີຕົ້ນສະເໝີປາຍ, ສົມທົບແໝ້ນລະຫວ່າງລັດທິຮັກຊາດອັນແທ້ຈິງກັບລັດທິສາກົນອັນຜ່ອງໃສ, ມີຄວາມຈົງຮັກພັກດີຕໍ່ອຸດົມການປະຕິວັດ ແລະ ຜົນປະໂຫຍດຂອງປະຊາຊົນລາວບັນດາເຜົ່າ, ຖືເອົາຄວາມສາມັກຄີພາຍໃນເປັນຫຼັກ, ເຕົ້າໂຮມຄວາມສາມັກຄີເປັນ ປຶກແຜ່ນພາຍໃນຊາດ, ເຊີດຊູຄວາມເປັນແບບຢ່າງນຳ ໜ້າ, ຮັກສາໄດ້ຄຸນທາດການ ເມືອງ ແລະ ຄຸນສົມບັດສິນທຳປະຕິວັດ, ຄວາມເຊື່ອໝັ້ນຈາກປະຊາຊົນລາວບັນດາເຜົ່າຕະຫຼອດມາ. ຍ້ອນມູນເຊື້ອອັນດີງາມຂອງພັກຂອງຊາດລາວເຮົານັ້ນ ຈື່ງເຮັດໃຫ້ ສປປ ລາວ ເຮົາສາມາດປະກາດເອກະລາດສາມາດປົດປ່ອຍປະເທດຊາດຢ່າງມີໄຊ, ສະຖາປະນາສາທາລະນະລັດ ປະຊາທິປະໄຕ ປະຊາຊົນລາວຂື້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975. ລັດປະຊາທິປະໄຕ ປະຊາຊົນ ແມ່ນລັດທິເກີດຈາກການຕໍ່ສູ້ເສຍສະຫຼະອັນໃຫຍ່ຫຼວງຂອງປະຊາຊົນລາວບັນດາເຜົ່າ, ລັດທີ່ມາຈາກປະຊາຊົນ, ໂດຍປະຊາຊົນ ແລະ ເພື່ອປະຊາຊົນ. ວັນທີ 2 ທັນວາ ແມ່ນວັນທີ່ມີຄວາມຫມາຍສໍາຄັນສໍາລັບທົ່ວພັກ, ທົ່ວລັດ ແລະ ທົ່ວປວງຊົນລາວ ແມ່ນວັນແຫ່ງໄຊຊະນະອັນຍິ່ງໃຫຍ່ໃນປະຫວັດສາດ ແຫ່ງການຕໍ່ສູ້ເປັນພັນໆປີຂອງຊາດລາວເຮົາ; ແມ່ນວັນທີ່ປະຊາຊົນລາວບັນດາເຜົ່າໄດ້ມີອິດສະຫຼະພາບ ແລະ ໄດ້ເປັນເຈົ້າຂອງປະເທດຊາດຢ່າງແທ້ຈິງ; ແມ່ນວັນທີ່ປະເທດລາວ ໄດ້ມີເອກະລາດຢ່າງສົມບູນ ແລະ ມີອະທິປະໄຕຢ່າງຄົບຖ້ວນ, ມີທີ່ຕັ້ງອັນສົມກຽດ ແລະ ມີຖານະເທົ່າທຽມກັບປະເທດອຶ່ນໆ ໃນເວທີສາກົນ. ແລະ ແມ່ນວັນແຫ່ງສັນຕິພາບ, ວັນແຫ່ງການກ້າວສູ່ຍຸກສະໄຫມໃຫມ່ແຫ່ງການສ້າງປະເທດລາວ ສັນຕິພາບ, ເອກະລາດ, ປະຊາທິປະໄຕ, ເອກະພາບ, ວັດທະນະຖາວອນ. ນອກຈາກນັ້ນ, ທ່ານ ຍັງໄດ້ຍ້ອງຍໍ ຊົມເຊີຍຕໍ່ຜົນງານຂອງເມືອງທີ່ຍາດມາໄດ້ ແລະ ຍົກໃຫ້ເຫັນເຖິງຜົນການ 45 ປີ ແຫ່ງການປົກປັກຮັກສາ ແລະ ສ້າງສາພັດທະນາແຂວງສາລະວັນ.

ຕອນທ້າຍທ່ານຍັງກ່າວຢ້ຳອີກວ່າ: ປະ​ທານໄກ​ສອນ ພົມ​ວິ​ຫານ ແມ່ນ​ນັກ​ຮັກ​ຊາດຜູ້​ຍິ່ງ​ໃຫ​ຍ່, ແມ່ນ​ລູກ​ຜູ້​ປະ​ເສີດ​ຂອງ​ປະ​ຊາ​ຊົນ​ລາວ​ບັນ​ດາ​ເຜົ່າ, ແມ່ນ​ນັກ​ປະ​ຕິ​ວັດ​ຜູ້​ດີ​ເລີດ, ເພິ່ນ​ເປັນ​ຜູ້​ນຳ​ສູງ​ສຸດ​ຂອງ​ການ​ປະ​ຕິ​ວັດ​ລາວ ທີ່​ມີ​ຄວາມ​ປີ​ຊາ​ສາ​ມາດ, ມີ​ຄວາມ​ສະຫຼາດຫຼັກ​ແຫຼມ, ມີ​ໄຫວ​ພິບ​ອັນ​ແຫຼມ​ຄົມ ແລະ ມີ​ນ້ຳ​ໃຈ​ຕໍ່​ສູ້​ເດັດ​ດ່ຽວ​ໜຽວ​ແໜ້ນ, ເປັນ​ຜູ້​ນຳ​ທີ່​ແສນ​ເຄົາ​ລົບ​ຮັກ​ຂອງ​ພັກ, ​ລັດ ແລະ ​ປະ​ຊາ​ຊົນ ແລະ ເປັນ​ວິ​ລະ​ບູ​ລຸດ​ຂອງ​ຊາດ​ລາວ​ເຮົາ.ພວກເຮົາຄວນຮຽນຮູ້ເອົາເປັນແບບຢ່າງໂດຍສະເພາະແມ່ນມູນເຊື້ອປະຕິວັດ, ຄຸນທາດການເມືອງ, ແບບແຜນວິທີເຮັດວຽກ, ຄຸນສົມບັດສິນທໍາ ແລະ ການດໍາລົງຊີວິດຂອງປະທານ ໄກສອນ ພົມວິຫານ ໄດ້ເປັນແວ່ນແຍງ ອັນໃສແຈ້ງໃຫ້ແກ່ພະນັກງານ, ສະມາຊິກພັກ, ນັກຮົບ ແລະ ພົນລະເມືອງລາວທຸກໆຄົນ. ພວກເຮົາຈົ່ງຮ່ໍາຮຽນເອົາແບບແຜນການເຄື່ອນໄຫວນໍາພາ ແລະ ການດໍາລົງຊີວິດຂອງປະທານ ໄກສອນ ພົມວິຫານ ນໍາໄປປະຕິບັດ, ຖືອັນນັ້ນເປັນໄມ້ຫຼາວັດແທກດ້ານຄຸນສົມບັດ, ທັດສະນະທ່າທີຂອງພະນັກງານ ທັງເປັນການເພີ່ມພູນຄູນສ້າງມູນເຊື້ອ ອັນຈົບງາມຂອງບັນພະບູລຸດ ກໍ່ຄື ປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກຂອງປວງຊົນລາວ.

ທັງນີ້ ກໍເພື່ອເປັນການສະແດງເຖິງຄວາມເຄົາລົບຮັກ, ຄວາມກະຕັນຍູ-ຮູ້ບຸນຄຸນ, ຄຸນງາມຄວາມດີ ແລະ ຜົນງານອັນໃຫຍ່ຫລວງ ຂອງບັນພະບູລຸດລາວ ທີ່ໄດ້ອຸທິດຕົນ ເພື່ອປະເທດຊາດ ແລະ ການປະຕິວັດ ໃນໄລຍະຜ່ານມາ ຈົນສາມາດປົດປ່ອຍປະເທດຊາດ ໄດ້ຢ່າງສົມບູນ ແລະ ສະຖາປະນາ ເປັນສາທາລະນະລັດ ປະຊາທິປະໄຕ ປະຊາຊົນລາວ ດັ່ງເທົ່າທຸກວັນນີ້.

ໃນພິທີຍັງໄດ້ ຍັງຟັງການເຜີຍແຜ່ຜົນສໍາເລັດ ກອງປະຊຸມໃຫຍ່ ຜູ້ແທນຂອງອົງຄະນະພັກແຂວງສາລະວັນ ໂດຍໃຫ້ກຽດເຜີຍແຜ່ຂອງທ່ານ ສີເຮັງ ຫອມສົມບັດ ຮອງເລຂາພັກແຂວງ, ຫົວໜ້າຄະນະໂຄສະນາອົບຮົມແຂວງສາລະວັນ ທ່ານ ໄດ້ໃຫ້ຮູ້ວ່າ: 1. ກອງປະຊຸມໃຫຍ່ຜູ້ແທນອົງຄະນະພັກແຂວງສາລະວັນ ຄັ້ງທີ IX  ໄດ້ໄຂຂຶ້ນແລະດໍາເນີນໄປຢ່າງຖືກຕ້ອງຕາມຂັ້ນຕອນແຕ່ວັນທີ 23 ເຖິງວັນທີ 24 ເດືອນ ພະຈິກ ປີ 2020 ທີ່ສະໂມສອນ ຂອງແຂວງ. ໂດຍພາຍໃຕ້ການເປັນປະທານ ຂອງ ສະຫາຍ ໂພໄຊ ໄຊຍະສອນ ກໍາມະການສໍາຮອງສູນກາງພັກ, ເລຂາພັກແຂວງ – ຮັກສາການເຈົ້າແຂວງໆ ສາລະວັນ. ກອງປະຊຸມສຸດທີ່ມີຄວາມປິຕິຊົມຊື່ນທີ່ໄດ້ຕ້ອນຮັບ ສະຫາຍ ຄໍາພັນ ພົມະທັດ ກໍາມະການກົມການເມືອງສູນກາງພັກ, ຄະນະເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ  ທີ່ໄດ້ເຂົ້າຮ່ວມ ແລະ ຊີ້ນໍາກອງປະຊຸມຈົນສໍາເລັດ. ກອງປະຊຸມຄັ້ງນີ້ ມີຜູ້ແທນເຂົ້າຮ່ວມທັງໝົດ 356  ສະຫາຍ, ຍິງ 52 ສະຫາຍ. ໃນນັ້ນ ຜູ້ແທນສົມບູນມີ 321  ສະຫາຍ, ຍິງ 46 ສະຫາຍ ທີ່ມາຈາກຂະແໜງການ, ກົມກອງອ້ອມຂ້າງແຂວງ ແລະ 8 ເມືອງ  ເຊິ່ງເປັນຕົວແທນສະມາຊິກພັກທົ່ວແຂວງ 14.033 ສະຫາຍ ແລະ ມີແຂກຖືກເຊີນເຂົ້າຮ່ວມ 35 ສະຫາຍ, ຍິງ 6 ສະຫາຍ.

2.ກອງປະຊຸມໃຫຍ່ ຜູ່ແທນອົງຄະນະພັກແຂວງສາລະວັນສະໄໝທີ IX ໄດ້ຄົ້ນຄວ້າປະກອບຄໍາຄິດຄໍາເຫັນຢ່າງກວ້າງຂວາງເລິກເຊິ່ງ ແລະ ຮັບຮອງເອົາລາຍງານການເມືອງ, ບົດຕີລາຄາການຈັດຕັ້ງປະຕິບັດ ແຜນພັດທະນາເສດຖະກິດສັງຄົມ ແລະ ບົດສໍາຫລວດການນໍາພາລວມ ຂອງຄະນະບໍລິຫານງານພັກແຂວງສະໄໝທີ VIII ເຊິ່ງໄດ້ຊີ້ໃຫ້ເຫັນຜົນງານດ້ານດີ, ບັນດາຈຸດອ່ອນຄົງຄ້າງສາຍເຫດ ແລະ ບົດຮຽນທີ່ຖອດຖອນມາໄດ້ຢ່າງຖືກຕ້ອງແລະພາວະວິໃສ.ກອງປະຊຸມໃຫຍ່ຄັ້ງນີ້ດໍາເນີນໄປພາຍໃຕ້ຄຳຂວັນ: ຍົກສູງຄວາມສາມາດນໍາພາ ແລະ ຄວາມເປັນແບບຢ່າງນໍາໜ້າ ຂອງຄະນະພັກທຸກຂັ້ນ ເພີ່ມທະວີຄວາມສັກສິດໃນການຄຸ້ມຄອງລັດ – ຄຸ້ມຄອງສັງຄົມ ດ້ວຍກົດໝາຍ ສ້າງໃຫ້ມີການຫັນປ່ຽນຢ່າງແຂງແຮງ ເລິກເຊິ່ງ ແລະ ຮອບດ້ານ ຕາມ 4 ເນື້ອໃນ 4 ຄາດໝາຍ, ອອກແຮງຂຸດຄົ້ນທ່າແຮງບົ່ມຊ້ອນ ແລະ ຄວາມອາດສາມາດຕົວຈິງ ຂອງທ້ອງຖິ່ນ ໂດຍຖືເອົາການກະສິກໍາ ຕິດພັນກັບອຸດສາຫະກໍາ ແລະ ການບໍລິການ, ເສີມຂະຫຍາຍມູນເຊື້ອວັດທະນະທໍາອັນດີງາມ ຄວາມສາມັກຄີປອງດອງບັນດາເຜົ່າ ດຸໝັ່ນ ອາດຫານ ແລະ ກ້າວຂຶ້ນ.

ກອງປະຊຸມໃຫ່ຍ ໄດ້ມີຄວາມເປັນເອກະພາບ ຮັບຮອງເອົາທິດທາງໜ້າທີ່ລວມ ແລະ ຄາດໝາຍສູ້ຊົນເພື່ອນໍາພາແຂວງສາລະວັນກ້າວຂຶ້ນແຕ່ປີ 2021 – 2025 ມີດັ່ງນີ້:

       – ຕັ້ງໜ້າປະຕິບັດແນວທາງປ້ອງກັນຊາດ – ປ້ອງກັນຄວາມສະຫງົບ ທົ່ວປວງຊົນຮອບດ້ານ ໃຫ້ໄດ້ຮັບຜົນດີ ໃນຊຸມປີຕໍ່ໜ້ານີ້ ຕ້ອງ​ເຮັດ​ໃຫ້​ທົ່ວແຂວງ​ ມີ​ຄວາມ​ສະຫງົບ ​ແລະ ມີຄວາມ​ເປັນ​ລະບຽບ​ຮຽບຮ້ອຍ​​. ອອກແຮງປົກປັກຮັກສາໝາກຜົນ ຂອງການປະຕິວັດ ແລະ ປົກປ້ອງເຂດນໍ້າແດນດິນ, ຊັບສົມບັດຂອງຊາດ, ຂອງທ້ອງຖິ່ນ ເອົາໄວ້ໃຫ້ໝັ້ນຄົງ.

        – ສູ້ຊົນເຮັດໃຫ້ເສດຖະກິດສືບຕໍ່ຂະຫຍາຍຕົວບໍໍ່ຫລຸດ 7% ລວມຍອດຜະລິດຕະພັນພາຍໃນ ໃຫ້ບັນລຸ 29 ພັນກວ່າຕື້ກີບ ສະເລ່ຍໃສປະຊາກອນ 12 ລ້ານກີບ ຕໍ່ຄົນ ຕໍ່ປີ, ສູ້ຊົນຈັດເກັບລາຍຮັບໃຫ້ໄດ້ 800 ຕື້ກວ່າກີບ ແລະ ສາມາດກຸ້ມຕົນເອງສ່ວນໃດສ່ວນໜຶ່ງ, ເອົາໃຈໃສ່ຄຸ້ມຄອງລາຍຈ່າຍໃຫ້ຖືກທິດ, ສົ່ງເສີມການລົງທຶນຂອງພາກສ່ວນເສດຖະກິດຕ່າງໆ ໃຫ້ກວມ 30% ຂອງ GDP, ຍູ້ແຮງການສົ່ງອອກໃຫ້ຂະຫຍາຍຕົວ 12% ຂຶ້ນເມືອ ແລະ ສູ້ຊົນແກ້ໄຂຄວາມທຸກຍາກໃຫ້ໄດ້ໂດຍພື້ນຖານ. ໄດ້ສຸມໃສ່ຫັນເປັນແຜນງານ, ໂຄງການ ແລະ ກິດຈະກໍາຕ່າງໆ ຢ່າງລະອຽດ ພ້ອມທັງປຸກລະດົມ ບັນດາພາກສ່ວນເສດຖະກິດ ແລະ ທົ່ວປວງຊົນ ເຂົ້າຮ່ວມໃນການພັດທະນາເສດຖະກິດ – ສັງຄົມ ຢ່າງແຂງແຮງ ປະຕິບັດໃຫ້ເກີດເປັນຮູບປະທໍາ ແລະ ໄດ້ຮັບຜົນສຳເລັດອັນສະຫງ່າງາມ.

3. ກອງປະຊຸມໃຫ່ຍ ໄດ້ເສີມຂະຫຍາຍສິດປະຊາທິປະໄຕຢ່າງເລິກເຊິ່ງ ປອ່ນບັດປິດລັບ ແລະ ໂດຍກົງເພື່ອເລືອກຕັ້ງເອົາຄະນະບໍລິຫານງານພັກແຂວງຊຸດທີ IX, ເຊິ່ງມີຜູ້ສະໝັກເລືອກຕັ້ງທັງໝົດ 38 ສະຫາຍ, ​ຍິງ 4 ສະຫາຍ, ເລືອກໄດ້ 33 ສະຫາຍ, ຍິງ 3 ສະຫາຍ, ໄດ້ສ່ອງແສງເຖິງລັກສະນະສຶບທອດ ແລະ ຕໍ່ເນື່ອງ, ມີຕົວແທນຂອງເພດ – ເຜົ່າ ຢ່າງສົມສ່ວນ, ບັນດາສະຫາຍທີ່ໄດ້ຮັບການເລືອກຕັ້ງຊຸດນີ້ ລ້ວນແຕ່ແມ່ນຜູ່ມີມາດຖານຄົບຖ້ວນ, ນັ້ນແມ່ນກຽດສະຫງ່າ ແລະ ແມ່ນຄວາມຮັບຜິດຊອບການເມືອງທີ່ພັກ ແລະ ປະຊາຊົນມອບໝາຍໃຫ້ ເຊິ່ງມີລາຍຊື່ລຸ່ມນີ້:

  1. ສະຫາຍ ປອ ໂພໄຊ ໄຊຍະສອນ
  2. ສະຫາຍ ສີເຮັງ ຫອມສົມບັດ
  3. ສະຫາຍ ນ. ບຸນທະວີ ດວງລາສີ
  4. ສະຫາຍ ພູທົງ ຄຳມະນີວົງ
  5. ສະຫາຍ ວິຊຽນ ນະວິກຸນ
  6. ສະຫາຍ ຈັນສະໝອນ ພົມມະແສງ
  7. ສະຫາຍ ແຫວນເພັດ ລັດດາວົງ
  8. ສະຫາຍ ສົມໃຈ ອຸ່ນຈິດ
  9. ສະຫາຍ ຄໍາຕາ ໂຮ່ຊົງເລືອງ
  10. ສະຫາຍ ພັອ ພູວັນ ພີມມະຈັນ
  11. ສະຫາຍ ສິລິສັກ ຖະໜອມຮັກ
  12. ສະຫາຍ ຈັນສີລອນ ສີສົມບູນ
  13. ສະຫາຍ ຂັນໄຊ ຣັດຖະເຮົ້າ
  14. ສະຫາຍ ດຣ ບົວໄລ ແສນແກ້ວມີກໍ
  15. ສະຫາຍ ອານຸສັກ ຈຳປາຄຳ
  16. ສະຫາຍ ປອ ສະໄໝ ໂພທິສານ
  17. ສະຫາຍ ບຸນເນື້ອ ຫຼອງຄຳໄຕ
  18. ສະຫາຍ ປອ ໂພສີ ແກ້ວສີພັນດອນ
  19. ສະຫາຍ ບຸນຍູ້ ຈັນທະລັງສີ
  20. ສະຫາຍ ທອງໃສ ເພັດລາສີ
  21. ສະຫາຍ ຈັນເພັງ ສາຍທຳມະວົງ
  22. ສະຫາຍ ບຸນເຕີ້ຍ ດວງສຸລິຍະວົງສາ
  23. ສະຫາຍ ສົມສັກ ທົງຄຳຫານ
  24. ສະຫາຍ ພັອ ສີເສີດ ສອນດາລາ
  25. ສະຫາຍ ນ. ວາດສະໜາ ໂພໄຊຍະວົງ
  26. ສະຫາຍ ວິໄລ ສີລາດວງໃຈ
  27. ສະຫາຍ ມະໄລວອນ ສີປະເສີດ
  28. ສະຫາຍ ທອງດີ ຈັນທະວົງ
  29. ສະຫາຍ ດຣ ອາຄົມ ລໍ່າວິຈິດ
  30. ສະຫາຍ ຄໍາຜ່ານ ສີລາວີ
  31. ສະຫາຍ ເວີນມະນີ ມຸ່ງສີວົງສາ
  32. ສະຫາຍ ສັກດາ ແກ້ວດວງສີ.
  33. ສະຫາຍ ນ. ສູນໄຖ ໄຊຍະແສງ.  4. ກອງປະຊຸມຄັ້ງປະຖົມມະລຶກ ຂອງຄະນະບໍລິຫານງານພັກແຂວງສາລະວັນ ສະໄໝທີ IX ໄດ້ເປັນເອກກະສັນກັນ ເລືອກຕັ້ງເອົາຄະນະປະຈຳພັກແຂວງ, ເລືອກຕັ້ງເອົາເລຂາ, ຮອງເລຂາພັກແຂວງ; ເລືອກຕັ້ງເອົາປະທານ ແລະ ຮອງປະທານຄະນະກວດກາພັກເຊິ່ງມີລາຍລະອຽດດັ່ງນີ້:

1). ສະຫາຍ ປອ ໂພໄຊ ໄຊຍະສອນ

2). ສະຫາຍ ສີເຮັງ ຫອມສົມບັດ

3). ສະຫາຍ ນ. ບຸນທະວີ ດວງລາສີ

4). ສະຫາຍ ພູທົງ ຄຳມະນີວົງ

5). ສະຫາຍ ວິຊຽນ ນະວິກຸນ

6). ສະຫາຍ ຈັນສະໝອນ ພົມມະແສງ

7). ສະຫາຍ ແຫວນເພັດ ລັດດາວົງ

8). ສະຫາຍ ສົມໃຈ ອຸ່ນຈິດ

9). ສະຫາຍ ຄໍາຕາ ໂຮ່ຊົງເລືອງ

10). ສະຫາຍ ພັອ ພູວັນ ພີມມະຈັນ

11). ສະຫາຍ ຂັນໄຊ ຣັດຖະເຮົ້າ

ກອງປະຊຸມ ໄດ້ເປັນເອກະສັນກັນເລືອກເອົາເລຂາ ແລະ ຮອງເລຂາຄະນະບໍລິຫານງານພັກແຂວງ ດັ່ງມີລາຍຊື່ລຸ່ມນີ້:

1). ສະຫາຍ ໂພໄຊ ໄຊຍະສອນ               ເປັນເລຂາຄະນະບໍລິຫານງານພັກແຂວງ

2). ສະຫາຍ ສີເຮັງ ຫອມສົມບັດ             ເປັນຮອງເລຂາຄະນະບໍລິຫານງານພັກແຂວງ

3). ສະຫາຍ ນ. ບຸນທະວີ ດວງລາສີ           ເປັນຮອງເລຂາຄະນະບໍລິຫານງານພັກແຂວງ

  1. ກອງປະຊຸມເລືອກເອົາປະທານ ແລະ ຮອງປະທານກວດກາ ຄະນະພັກແຂວງ ດັ່ງມີລາຍຊື່ລຸ່ມນີ້:

1). ສະຫາຍ ວິຊຽນ ນະວິກຸນ                 ເປັນປະທານກວດກາພັກແຂວງ

2). ສະຫາຍ ເລີດສະໝີ ຈັນສີຍະວົງ           ເປັນຮອງປະທານກວດກາພັກແຂວງ

3). ສະຫາຍ ແສງທອງ ສີອ່ອນສາ             ເປັນຮອງປະທານກວດກາພັກແຂວງ

4). ສະຫາຍ ນ. ແສງອາລຸນ ຈັນທະລາດ      ເປັນຮອງປະທານກວດກາພັກແຂວງ

5. ກອງປະຊຸມໄດ້ປ່ອນບັດເລືອກຕັ້ງເອົາຜູ້ແທນສົມບູນ ແລະ ສໍາຮອງໄປຮ່ວມກອງປະຊຸມໃຫຍ່ ຄັ້ງທີ XI ຂອງພັກ ຈຳນວນທັງໝົດ 31 ສະຫາຍ, ຍິງ 5 ສະຫາຍ, ເລືອກເອົາຜູ້ແທນສົມບູນ ແລະ ສໍາຮອງຈໍານວນ 27 ສະຫາຍ, ຍິງ 3 ສະຫາຍ, ໃນນັ້ນ; ຜູ້ແທນສົມບູນ 24 ສະຫາຍ, ຍິງ 2 ສະຫາຍ, ສໍາຮອງ 3 ສະຫາຍ, ຍິງ 1 ສະຫາຍ ດັ່ງມີລາຍຊື່ລຸ່ມນີ້:

6. ກອງປະຊຸມໃຫຍ່ຄັ້ງນີ້ ສຸດທີ່ມີຄວາມໝາຍ ແລະ ເປັນກຽດຢ່າງສູງທີ່ໄດ້ຮັບຟັງຄໍາໂອ້ລົມ ຂອງສະຫາຍ ຄໍາພັນ ພົມມະທັດ ກໍາມະການກົມການເມືອງສູນກາງພັກ, ຄະນະເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ ທີ່ໄດ້ຕີລາຄາສູງຕໍ່ຜົນງານ ແລະ ໄຊຊະນະ ທີ່ແຂວງສາລະວັນ ຍາດມາໄດ້ໃນຊຸມປີທີ່ຜ່ານມາ. ພ້ອມນັ້ນ, ສະຫາຍ ຍັງໄດ້ແນະນໍາຢ່າງໜັກແໜ້ນ ຕໍ່ການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ໃຫ້ເຂົ້າສູ່ລວງເລິກ. ຕອນທ້າຍ ສະຫາຍຍັງໄດ້ຮຽກຮ້ອງໃຫ້ຄະນະບໍລິຫານງານພັກແຂວງ ຊຸດໃໝ່ ແລະ ຜູ້ແທນກອງປະຊຸມໃຫຍ່ ຈົ່ງຢຶດໝັ້ນແນວທາງປ່ຽນແປງໃໝ່ຮອບດ້ານ ຢ່າງມີຫຼັກການຂອງພັກ, ສ້າງໃຫ້ມີການຫັນປ່ຽນຢ່າງແຂງແຮງ ເລິກເຊິ່ງ ແລະ ຮອບດ້ານ, ເສີມຂະຫຍາຍມູນເຊື້ອຄວາມສາມະຄີປອງດອງບັນດາເຜົ່າ ແລະ ອອກແຮງຜັນຂະຫຍາຍມະຕິກອງປະຊຸມໃຫຍ່ຄັ້ງນີ້ ໃຫ້ບັນລຸຜົນຕາມລະດັບຄາດໝາຍທີ່ວາງໄວ້.

7. ກອງປະຊຸມໃຫຍ່ ຂໍສະແດງຄວາມຂ່ຳນັບຊົມເຊີຍ ແລະ ຂອບອົກຂອບໃຈຕໍ່ແຂກສູນກາງ, ບັນດາແຂວງໃກ້ຄຽງ ແລະ ພາຍໃນແຂວງທີ່ໄດ້ໃຫ້ກຽດເຂົ້າຮ່ວມກອງປະຊຸມໃນຄັ້ງນີ້. ສະແດງຄວາມຍ້ອງຍໍສັນລະເສີນພະນັກງານ – ສະມາຊິກພັກ, ນັກຮົບ, ປະຊາຊົນທຸກເຜົ່າ ທຸກຊັ້ນຄົນໃນທົ່ວແຂວງ ທີ່ໄດ້ປະກອບສ່ວນຢ່າງຫ້າວຫັນດ້ວຍສະຕິປັນຍາ, ເຫື່ອແຮງ, ປະກອບສ່ວນດ້ານວັດຖຸ ແລະ ຈິດໃຈເຮັດໃຫ້ກອງປະຊຸມໃຫຍ່ໄດ້ຮັບຜົນສຳເລັດຢ່າງສະຫງ່າງາມ.

8. ກອງປະຊຸມໃຫຍ່ ຮຽກຮ້ອງມາຍັງຄະນະພັກທຸກຂັ້ນ, ສະມາຊິກພັກ, ພະນັກງານ – ລັດຖະກອນ, ທະຫານ, ຕຳຫຼວດ ຕ້ອງຍົກສູງຄວາມສາມາດ ແລະ ຄວາມເປັນແບບຢ່າງນໍາໜ້າໃນທຸກຂົງເຂດວຽກງານ, ຕັ້ງໜ້າປັບປຸງແບບແຜນວິທີນໍາພາ ວິທີເຮັດວຽກຂອງຕົນຢ່າງມີປະສິດທິຜົນ ເພື່ອຫັນເອົາມະຕິກອງປະຊຸມຄັ້ງນີ້ ເປັນແຜນງານ, ໂຄງການ ແລະ ກິດຈະກໍາລະອຽດ ໃຫ້ປະກົດຜົນເປັນຈິງ. ຮຽກຮ້ອງໃຫ້ປະຊາຊົນບັນດາເຜົ່າຊາວແຂວງສາລະວັນ, ຈົ່ງເຊີດຊູນໍ້າໃຈຮັກຊາດ ຮັກລະບອບໃໝ່ ອອກແຮງປົກປັກຮັກສາ ແລະ ສ້າງສາພັດທະນາແຂວງສາລະວັນ ໃຫ້ມັ່ງຄັ່ງເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມມີຄວາມສາມັກຄີປອງດອງ, ປະຊາທິປະໄຕ, ຍຸຕິທຳ ແລະ ສີວິໄລ.

ພາບ ແລະ ຂ່າວຈາກ : ແດນດອກຮັງ ສາລະວັນ.

ແບ່ງປັນ