ຄົງເຊໂດນຈັດກອງປະຊຸມແລກປ່ຽນຄຳຄິດເຫັນກ່ຽວກັບການຍົກສູງຄຸນນະພາບວຽກງານການເມືອງ-ແນວຄິດ……

21

ໃນວັນທີ 17 ຕຸລາ ປີ 2019 ນີ້ ຢູ່ທີ່ຫ້ອງປະຊຸມສະໂມສອນຂອງເມືອງຄົງເຊໂດນ ໄດ້ຈັດກອງປະຊຸມແລກປ່ຽນຄຳຄິດເຫັນກ່ຽວກັບການຍົກສູງຄຸນນະພາບວຽກງານການເມືອງ-ແນວຄິດ ຂື້ນໂດຍເປັນກຽດເຂົ້າຂອງທ່ານ ປທ ສີປະເສີດ ແສນສະຫວັດ ຄະນະພັກ ຮອງຫົວໜ້າຄະນະໂຄສະນາອົບຮົມສູນກາງພັກ, ໃນນັ້ນມີຄະນະປະຈຳພັກເມືອງ, ກຳມະ ການພັກເມືອງ, ຫົວໜ້າພະແນກການ-ຮອງຫ້ອງການຕ່າງໆອ້ອມຂ້າງເມືອງແລະອົງການຈັດຕັ້ງມະຫາຊົນ, ເລຂາ-ໜ່ວຍພັກ-ນາຍບ້ານ ຈໍານວນໜື່ງແລະ ຫົວໜ້າ, ຮອງຫົວໜ້າ ພ້ອມທັງພະນັກງານຄະນະໂຄສະນາອົບຮົມເມືອງຄົງທັງມົດ ເຂົ້າຮ່ວມ 143 ຄົນ, ຍິງ 16 ຄົນ, ສະມາຊິກພັກ 90 ສະຫາຍ,  ຍິງ 7 ສະຫາຍ, ໃນພິທີຄັ້ງນີ້ ທ່ານ ບຸນປອນ ອາສາພິພັກ ກຳມະການພັກແຂວງ, ເລຂາພັກເມືອງ-ເຈົ້າເມືອງໆຄົງເຊໂດນ ກໍ່ໄດ້ລາຍງານສະພາບການໂດຍຫຍໍ້ຂອງເມືອງແລະວຽກງານການເມືອງ-ແນວຄິດ ແລະ ທ່ານ ຍັງໄດ້ລາຍງານສະພາບການກະກຽມກອງປະຊຸມໃຫຍ່ 3 ຂັ້ນຂອງເມືອງ ຈາກນັ້ນທ່ານ ປທ ສີປະເສີດ ແສນສະຫວັດ ຄະນະພັກ ຮອງຫົວໜ້າຄະນະໂຄສະນາອົບຮົມສູນກາງພັກກໍ່ໄດ້ຍົກໃຫ້ເຫັນຫຼາຍສາຍເຫດ, ຫຼາຍບັນຫາ ແລະ ຫຼາຍປະກົດການທີ່ເກີດຂື້ນກ່ຽວກັບການຍົກສູງຄຸນນະພາບວຽກງານການເມືອງ-ແນວຄິດເປັນຕົ້ນກໍ່ແມ່ນປະກົດການຫຍໍ້ທທໍ້, ບັນຫາເສດຖະກິດ, ບັນຫາຊົນຊັນຖານະ, ພ້ອມດ້ວຍຄວາມສາມະຄີຕ່າງໆແລະ ການແກ້ໄຂຄວາມທຸກຍາກໃນເຂດຫ່າງໄກສອກຫຼິກ, ຄວາມຫ່າງເຫຼິງຈາກປະຊາຊົນ, ນອກຈາກນັ້ນກໍ່ໄດ້ຍົກໃຫ້ເຫັນກ່ຽວກັບການປົກປັກຮັກສາປະເທດຊາດ, ການຕໍ່ສູ້ຂອງຂະບວນການຕ່າງໆໃນແຕ່ລະໄລຍະ ແລະ ການເສຍສະຫຼະຂອງຂອງທ່ານຜູ້ນຳ. ໃນຕອນທ້າຍຂອງກອງປະຊຸມຄະນະນໍາຈາກສູນກາງ ຍັງໄດ້ນໍາເອົາເຄື່ອງມາຊ່ວຍເຫຼືອພໍ່ແມ່ພີ່ນ້ອງຊາວເມືອງຄົງເຊໂດນທີ່ຖືກຜົນກະທົບຈາກໄພນໍ້າຖ້ວມຕື່ມອີກເຊິ່ງເຄື່ອງດັ່ງກ່າວປະ ກອບມີ ເສື້ອຜາ, ນໍ້າດືມ, ໜີ່ ແລະ ອື່ນໆ  ເປັນກຽດຂື້ນຮັບ ຂອງສະຫາຍເລຂາພັກເມືອງ-ເຈົ້າເມືອງໆຄົງເຊໂດນ.

ແບ່ງປັນ