ຊ່ວຍເຫຼືອຜູ້ປະສົບໄພນໍ້າຖ້ວມ 3 ເມືອງຂອງແຂວງສາລະວັນ

ໃນຕົ້ນເດືອນກັນຍາ 2019 ນີ້, ໄດ້ມີເຫດການພາຍຸດີເປຼຊັນ ທີ່ເພີ່ມກໍາລັງແຮງເປັນພາຍຸໜູນເຂດຮ້ອນ ແລະ ພັດ ຜ່ານບັນດາແຂວງພາກກາງ ແລະ ພາກໃຕ້ຂອງລາວ ໃນຄະນະດຽວກັນນັ້ນ ລະຫວ່າງວັນທີ 3-6 ກັນຍາ 2019 ພາ ຍຸກ້ອນດັ່ງກ່າວ ໄດ້ພັດທະລົ່ມແຂວງສາລະວັນ ໂດຍສະເພາະແມ່ນ 3 ເມືອງ ຄື: ເມືອງສາລະວັນ ຖືກນໍ້າຖ້ວມທັງ ໝົດ 93 ບ້ານ, ຖ້ວມໜັກ 54 ບ້ານ; ເມືອງວາປີ 53 ບ້ານ, ຖ້ວມໜັກ 21 ບ້ານ ແລະ ເມືອງຄົງເຊໂດນ 68 ບ້ານ,ຖ້ວມໜັກ 65 ບ້ານ ເຫດດັ່ງກ່າວ ໄດ້ສ້າງຜົນເສຍຫາຍໜັກສົມຄວນ ແລະ ເຮັດໃຫ້ຊັບສິນ, ເຮືອນຊານບ້ານ ຊ່ອງ, ໄຮ່ນາຮົ້ວສວນຖືກເສຍຫາຍ ຈາກພາຍຸດັ່ງກ່າວ. ດັ່ງນັ້ນ, ຄະນະນໍາຂອງແຂວງຈາກຫຼາຍພາກສ່ວນ ໄດ້ນໍາເອົາ ເຄື່ອງມາຊ່ວຍເຫຼືອປະຊາຊົນ. ຄະນະໂຄສະນາອົບຮົມແຂວງສາລະວັນ ກໍ່ເປັນໜື່ງພາກສ່ວນ ເຊິ່ງນໍາໂດຍທ່ານ ສີເຮັງ ຫອມສົມບັດ ຄະນະປະຈໍາພັກແຂວງ,ຫົວໜ້າຄະນະໂຄສະນາອົບຮົມ ແຂວງສາລະວັນ ພ້ອມດ້ວຍຄະນະ ແລະ ພະນັກ ງານວິຊາການຈໍານວນໜື່ງ ໄດ້ລົງຕິດຕາມສະຖານນະການຢ່າງໃກ້ຊິດ ຢູ່ຫຼາຍບ້ານຂອງເມືອງທີ່ຖືກນໍ້າຖ້ວມ ແລະ ໄດ້ນໍາເອົາເຄື່ອງອຸປະໂພກ,ບໍລິໂພກປະກອບມີ:ເຂົ້າສານອາຫານແຫ້ງ, ເຄື່ອງນຸ່ງຫົ່ມ, ນໍ້າດື່ມ ແລະ ອື່ນໆ ໄປມອບໃຫ້ ແກ່ປະຊາຊົນຜູ້ທີ່ປະສົບໄພນໍ້າຖ້ວມຢູ່ຫຼາຍຈຸດຄື: ບ້ານພັກແພວເສັດ, ບ້ານ ຈານເໜືອ ເມືອງສາລະວັນ;ບ້ານຫ້ວຍ ໂຄນ ເມືອງວາປີ, ບ້ານນານົງ,ຫ້ວຍເຊົາ, ສູນອົບພະຍົບໄພນໍ້າຖ້ວມ ບ້ານໂນນດິນແດນ ເມືອງຄົງເຊໂດນ ແລະ ບ້ານອື່ນໆອີກ. ພິເສດ ທາງຄະນະໂຄສະນາອົບຮົມແຂວງ ໄດ້ນໍາເອົາເຄື່ອງນຸ່ງຫົ່ມ ຈໍານວນໜື່ງ ໄປມອບໃຫ້ບ້ານທີ່ ທຸກຍາກຂາດເຂີນ ຂອງເມືອງຕະໂອ້ຍ ແລະ ເມືອງສະໝ້ວຍ. ມາຮອດວັນທີ 9-14 ກັນຍາ 2019 ສາມເມືອງ ທີ່ໄດ້ຜົນກະທົບຈາກພະຍຸດັ່ງກ່າວ ຂອງແຂວງສາລະວັນ ໄດ້ບົກແຫ້ງແລ້ວ, ເສັ້ນທາງສັນຈອນ ຮັບການແກ້ໄຂ ແລະ ສາມາດໄປມາຫາສູ່ກັນໄດ້ເປັນປົກກະຕິ.