ສະຫາຍ ໂພໄຊ ໄຊຍະສອນ ໄດ້ຮັບເລືອກເປັນເລຂາຄະນະບໍລິຫານງານພັກແຂວງສາລະວັນ, ສະຫາຍສີເຮັງ ຫອມສົມບັດ ແລະ ສະຫາຍນາງ ບຸນທະວີ ດວງລາສີ ເປັນຮອງເລຂາ

692

ກອງປະຊຸມໃຫຍ່ຜູ້ແທນອົງຄະນະພັກແຂວງສາລະວັນ ຄັ້ງທີ IX ໄດ້ໄຂຂຶ້ນແຕ່ວັນທີ  23 ເຖິງວັນທີ 24 ພະຈິກປີ 2020 ທີ່ສະໂມສອນໃຫຍ່ຂອງແຂວງ. ໂດຍພາຍໃຕ້ການເປັນປະທານຂອງສະຫາຍ ໂພໄຊ ໄຊຍະສອນ ກໍາມະການສໍາຮອງສູນກາງພັກ, ເລຂາພັກແຂວງ – ຮັກສາການເຈົ້າແຂວງໆສາລະວັນ. ກອງປະຊຸມສຸດທີ່ມີຄວາມປິຕິຊົມຊື່ນທີ່ໄດ້ຮັບຕ້ອນ ສະຫາຍ ຄໍາພັນ ພົມມະທັດ ກໍາມະການກົມການເມືອງສູນກາງພັກ, ຄະນະເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ ທີ່ໄດ້ເຂົ້າຮ່ວມ ແລະ ຊີ້ນໍາກອງປະຊຸມຈົນສໍາເລັດ. ກອງປະຊຸມຄັ້ງນີ້, ມີຜູ້ແທນເຂົ້າຮ່ວມທັງໝົດ 356 ສະຫາຍ, ຍິງ  52 ສະຫາຍ. ໃນນັ້ນ, ຜູ້ແທນສົມບູນມີ 321 ສະຫາຍ, ຍິງ 46 ສະຫາຍ ທີ່ມາຈາກຂະແໜງການ, ກົມກອງອ້ອມຂ້າງແຂວງ ແລະ 8 ເມືອງ  ເຊິ່ງເປັນຕົວແທນສະມາຊິກພັກ ທົ່ວແຂວງ 14.033 ສະຫາຍ ແລະ ມີແຂກຖືກເຊີນເຂົ້າຮ່ວມ 35 ສະຫາຍ, ຍິງ 6 ສະຫາຍ. ກອງປະຊຸມໃຫຍ່ຜູ້ແທນອົງຄະນະພັກແຂວງສາລະວັນຄັ້ງນີ້ ໄດ້ມີແນວຄິດຊີ້ນຳພາຍໃຕ້ຄຳຂວັນ ຍົກສູງຄວາມສາມາດນໍາພາ ແລະ ຄວາມເປັນແບບຢ່າງນໍາໜ້າ ຂອງຄະນະພັກທຸກຂັ້ນ ເພີ່ມທະວີຄວາມສັກສສິດໃນການຄຸ້ມຄອງລັດ – ຄຸ້ມຄອງສັງຄົມ ດ້ວຍກົດໝາຍ  ສ້າງໃຫ້ມີການຫັນປ່ຽນຢ່າງແຂງແຮງ  ເລິກເຊິ່ງ ແລະ ຮອບດ້ານ ຕາມ 4 ເນື້ອໃນ 4 ຄາດໝາຍ, ອອກແຮງຂຸດຄົ້ນທ່າແຮງບົ່ມຊ້ອນ ແລະ ຄວາມອາດສາມາດຕົວຈິງ ຂອງທ້ອງຖິ່ນ ໂດຍຖືເອົາການກະສິກໍາ ຕິດພັນກັບອຸດສາຫະກໍາ ແລະ ການບໍລິການ, ເສີມຂະຫຍາຍມູນເຊື້ອວັດທະນະທໍາອັນດີງາມ ຄວາມສາມັກຄີປອງດອງບັນດາເຜົ່າ ດຸໝັ່ນ ອາດຫານ ແລະ ກ້າວຂຶ້ນ.

( 1 ). ກອງປະຊຸມ ໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດເລືອກຕັ້ງເອົາຄະນະບໍລິຫານງານພັກແຂວງຊຸດໃໝ່ ບົນພື້ນຖານຄວາມຖືກຕ້ອງສອດຄ່ອງກັບມາດຕະຖານເງື່ອນໄຂທີ່ກໍານົດໄວ້, ເຊິ່ງຜູ້ສະໝັກເລືອກຕັ້ງທັງໝົດ 38 ສະຫາຍ, ​ຍິງ 4 ສະຫາຍ, ເລືອກໄດ້ 33 ສະຫາຍ, ຍິງ 3 ສະຫາຍ ເຊິ່ງມີລາຍຊື່ລຸ່ມນີ້:

  1. ສະຫາຍ ປອ ໂພໄຊ ໄຊຍະສອນ
  2. ສະຫາຍ ສີເຮັງ ຫອມສົມບັດ
  3. ສະຫາຍ ນາງ ບຸນທະວີ ດວງລາສີ
  4. ສະຫາຍ ພູທົງ ຄໍາມະນີວົງ
  5. ສະຫາຍ ວິຊຽນ ນະວິກຸນ
  6. ສະຫາຍ ຈັນສະໝອນ ພົມມະແສງ
  7. ສະຫາຍ ແຫວນເພັດ ລັດດາວົງ
  8. ສະຫາຍ ສົມໃຈ ອຸ່ນຈິດ
  9. ສະຫາຍ ຄໍາຕາ ໂຮ່ຊົງເຮືອງ
  10. ສະຫາຍ ພັອ ພູວັນ ພິມມະຈັນ
  11. ສະຫາຍ ສີລິສັກ ຖະໝອມຮັກ
  12. ສະຫາຍ ຈັນສີລອນ ສີສົມບູນ
  13. ສະຫາຍ ຂັນໄຊ ຣັດຖະເຮົ້າ
  14. ສະຫາຍ ດຣ ບົວໄລ ແສນແກ້ວມີກໍ
  15. ສະຫາຍ ອານຸສັກ ຈໍາປາຄໍາ
  16. ສະຫາຍ ປອ ສະໄໝ ໂພທິສານ
  17. ສະຫາຍ ບຸນເນື້ອ ຫຼອງຄໍາໄຕ
  18. ສະຫາຍ ປອ ໂພສີ ແກ້ວສີພັນດອນ
  19. ສະຫາຍ ບຸນຍູ້ ຈັນທະລັງສີ
  20. ສະຫາຍ ທອງໃສ ເພັດລາສີ
  21. ສະຫາຍ ຈັນເພັງ ສາຍທໍາມະວົງ
  22. ສະຫາຍ ບຸນເຕີ້ຍ ດວງສຸລິຍະວົງສາ
  23. ສະຫາຍ ສົມສັກ ທົງຄໍາຫານ
  24. ສະຫາຍ ພັອ ສີເສີດ ສອນລາດາ
  25. ສະຫາຍ ນາງ ວາດສະໜາ ໂພໄຊຍະວົງ
  26. ສະຫາຍ ວິໄລ ສີລາດວງໃຈ
  27. ສະຫາຍ ມະໄລວອນ ສີປະເສີດ
  28. ສະຫາຍ ທອງດີ ຈັນທະວົງ
  29. ສະຫາຍ ດຣ ອາຄົມ ລໍ່າວິຈິດ
  30. ສະຫາຍ ຄໍາຜ່ານ ສີລາວີ
  31. ສະຫາຍ ເວີນມະນີ ມຸ່ງສີວົງສາ
  32. ສະຫາຍ ສັກດາ ແກ້ວດວງສີ
  33. ສະຫາຍ ນາງ ສູນໄຖ ໄຊຍະແສງ

( 2 ). ກອງປະຊຸມຄັ້ງປະຖົມມະລຶກ ຂອງຄະນະບໍລິຫານງານພັກແຂວງສາລະວັນ ສະໄໝທີ IX ໄດ້ເອກະສັນກັນ ເລືອກເອົາຄະນະປະຈຳພັກແຂວງ ດັ່ງນີ້:

  1. ສະຫາຍ ປອ ໂພໄຊ ໄຊຍະສອນ
  2. ສະຫາຍ ສີເຮັງ ຫອມສົມບັດ
  3. ສະຫາຍ ນາງ ບຸນທະວີ ດວງລາສີ
  4. ສະຫາຍ ພູທົງ ຄໍາມະນີວົງ
  5. ສະຫາຍ ວິຊຽນ ນະວິກຸນ
  6. ສະຫາຍ ຈັນສະໝອນ ພົມມະແສງ
  7. ສະຫາຍ ແຫວນເພັດ ລັດດາວົງ
  8. ສະຫາຍ ສົມໃຈ ອຸ່ນຈິດ
  9. ສະຫາຍ ຄໍາຕາ ໂຮ່ຊົງເຮືອງ
  10. ສະຫາຍ ພັອ ພູວັນ ພິມມະຈັນ
  11. ສະຫາຍ ຂັນໄຊ ລັດຖະເຮົ້າ

( 3 ). ພ້ອມນັ້ນ ກໍ່ໄດ້ເປັນເອກະສັນເລືອກເອົາ

  1. ສະຫາຍ ໂພໄຊ ໄຊຍະສອນ ເປັນເລຂາຄະນະບໍລິຫານງານພັກແຂວງ,
  2. ສະຫາຍ ສີເຮັງ ຫອມສົມບັດ ເປັນຮອງເລຂາຄະນະບໍລິຫານງານພັກແຂວງ;
  3. ສະຫາຍ ນາງ ບຸນທະວີ ດວງລາສີ ເປັນຮອງເລຂາຄະນະບໍລິຫານງານພັກແຂວງ;

( 4 ). ກອງປະຊຸມ ໄດ້ເລືອກເອົາ

  1. ສະຫາຍ ວິຊຽນ ນະວິກຸນ ເປັນປະທານຄະນະກວດກາພັກແຂວງ.
  2. ສະຫາຍ ເລີດສະໝີ ຈັນສີຍະວົງ ເປັນຮອງປະທານກວດກາພັກແຂວງ.
  3. ສະຫາຍ ແສງທອງ ສີອ່ອນສາ ເປັນຮອງປະທານກວດກາພັກແຂວງ.
  4. ສະຫາຍ ນາງ ແສງອາລຸນ ຈັນທະລາດ ເປັນຮອງປະທານກວດກາພັກແຂວງ.

ພ້ອມນັ້ນກອງປະຊຸມ ຍັງໄດ້ປ່ອນບັດຄັດເລືອກເອົາຜູ້ແທນສົມບູນ ແລະສຳຮອງ ໄປຮ່ວມກອງປະຊຸມໃຫຍ່ ຄັ້ງທີ XI ຂອງສູນກາງພັກ ເຊິ່ງມີຜູ້ສະໝັກທັງໝົດ 31 ສະຫາຍ, ເລືອກໄດ້24 ສະຫາຍ, ຍິງ 2 ສະຫາຍ, ສໍາຮອງ 3 ສະຫາຍ.

ກອງປະຊຸມກໍ່ໄດ້ຮັບຟັງຄຳໂອ້ລົມຈາກ ສະຫາຍ ຄຳພັນ ພົມມະທັດ ກຳມະການກົມການເມືອງສູນກາງພັກ ຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ, ເຊີ່ງໄດ້ຊີ້ທິດເຍືອງທາງໃຫ້ກັບຄະນະບໍລິຫານງານພັກແຂວງ ຊຸດໃໝ່. ຊຶ່ງກ່ອນອື່ນໝົດ ສະຫາຍ ໄດ້ສະແດງຄວາມຊົມເຊີຍຜົນງານອັນໃຫຍ່ຫຼວງ ແລະ ຫຼາຍດ້ານ ທີ່ຄະນະພັກແຂວງ ແລະ ອົງການປົກຄອງຂັ້ນຕ່າງໆ ຍາດມາໄດ້ ໃນໄລຍະ 5 ປີຜ່ານມາ. ຈາກນັ້ນ ສະຫາຍໄດ້ເນັ້ນໜັກບາງບັນຫາສຳຄັນ ເພື່ອໃຫ້ຄະນະບໍລິຫານງານພັກແຂວງຊຸດໃໝ່ ແລະ ຜູ້ແທນກອງປະຊຸມ ນຳໄປຄົ້ນຄວ້າ, ຫັນເປັນທິດທາງ ແລະ ແຜນການລະອຽດ ຂອງຄະນະພັກຂັ້ນຂອງຕົນ ໝູນໃຊ້ ແລະ ຈັດຕັ້ງຜັນຂະຫຍາຍ ໃຫ້ປະກົດຜົນເປັນຈິງ ເປັນຕົ້ນ: ຕ້ອງຮີບຮ້ອນນຳເອົາເນື້ອໃນ, ຈິດໃຈຂອງກອງປະຊຸມຄັ້ງນີ້ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ IX ຢ່າງກວ້າງຂວາງ, ເລີກເຊີ່ງ ເຖີງຖັນແຖວພະນັກງານ, ສະມາຊິກພັກ, ທະຫານ, ຕຳຫຼວດ ຕະຫຼອດຮອດປະຊາຊົນບັນດາເຜົ່າ ຄຽງຄູ່ກັບການຈັດຕັ້ງປະຕິບັດ, ຫັນເປັນແຜນງານ, ໂຄງການອັນລະອຽດໃນແຕ່ລະຂົງເຂດວຽກງານ, ໃນການຊັບຊ້ອນ ແລະ ປັບປຸງ ແມ່ນຕ້ອງເຊີດຊູຄວາມຮັບຜິດຊອບ, ໜ້າທີ່ການເມືອງ ບົນຫຼັກການຂອງພັກ, ເອົາໃຈໃສ່ຍົກລະດັບຄວາມຮູ້ຄວາມສາມາດຂອງຕົນ ແລະ ເຊື່ອມຊຶມ ກຳແໜ້ນແນວທາງນະໂຍບາຍຂອງພັກ, ມະຕິ, ຄຳສັ່ງ, ລະບຽບກົດໝາຍຂອງລັດ ໃຫ້ເລີກເຊີ່ງເຖີງຖອງ, ເອົາໃຈໃສ່ປະຕິບັດຕາມຫຼັກການລວມສູນປະຊາທິປະໄຕ, ນຳພາເປັນໝູ່ຄະນະ ແລະ ຮັບປະກັນຄວາມສາມັກຄີ ຢ່າງແໜ້ນແຟ້ນ.

ຂ່າວ ແລະ ພາບຈາກ: ແດນດອກຮັງ ສາລະວັນ

ແບ່ງປັນ