ຄະນະໂຄສະນາອົບຮົມແຂວງສາລະວັນ ຈັດຕັ້ງປາຖະກະຖາ 4 ວັນປະຫວັດສາດ ຮ່ວມກັບ 4 ພາກສ່ວນ

33

ມາໃນວັນທີ 15 ສິງຫາ 2019, ຄະນະໂຄສະນາອົບຮົມແຂວງສາລະວັນ ຮ່ວມກັບສະພາປະຊາຊົນ, ພະແນກຖະແຫຼງຂ່າວ, ວັດທະນະທໍາແລະທ່ອງທ່ຽວ, ສານປະຊາຊົນແຂວງ ໄດ້ຈັດຕັ້ງພິທີປາຖະກະຖາເລົ່າຄືນມູນເຊື້ອ 4 ວັນປະຫວັດ ສາດຂອງພັກ-ຂອງຊາດ ຄື: ວັນລັດຖະທໍາມະນູນ ຄົບຮອບ 28 ປີ, ວັນສ້າງຕັ້ງສື່ມວນຊົນແລະການພິມຈໍາໜ່າຍ ຄົບຮອບ 69 ປີ, ວັນສ້າງສານປະຊາຊົນ ຄົບຮອບ 37 ປີ ແລະວັນຢຶດອໍານາດ 23ສິງຫາ 1945ແລະ1975 ຄົບຮອບ 74 ປີ, 44ປີ ຂຶ້ນທີ່ສະໂມສອນໃຫຍ່ຂອງແຂວງ ໂດຍໃຫ້ກຽດເປັນປະທານ ພ້ອມທັງເລົ່າມູນເຊື້ອດັ່ງກ່າວ ຂອງທ່ານສີເຮັງ ຫອມສົມບັດ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ແລະ ມີບັນດາທ່ານ ກໍາມະການພັກແຂວງ, ນາຍແລະພົນທະຫານ, ນາຍແລະພົນຕໍາຫຼວດ, ຫົວໜ້າແລະຮອງຫົວໜ້າພະແນກການພະແນການອ້ອມຂ້າງແຂວງ, ພ້ອມດ້ວຍພະນັກງານ-ລັດຖະກອນ ເຂົ້າຮ່ວມທັງໝົດສາມຮ້ອຍຫົກສິບກວ່າ ຄົນ, ຍິງໜື່ງຮອ້ຍຫ້າສິບກວ່າຄົນ, ສະມາຊິກພັກ ສອງຮ້ອຍຫົກ ສະຫາຍ, ຍິງ ແປດ ສິບສະຫາຍ ໃນພິທີຄັ້ງນີ້, ທ່ານຫົວໜ້າຄະນະໂຄສະນາອົບຮົມແຂວງ ໄດ້ເລົ່າຄືນປະຫວັດຄວາມເປັນມາ, ຄວາມໝາຍຄວາມສໍາຄັນ ແລະ ມູນເຊື້ອສີ່ວັນ ພ້ອມທັງສາຍວິດີໂອກ່ຽວກັບມູນເຊື້ອໃນ ສີ່ເອກະສານ. ຈຸດປະສົງໃນການຈັດຕັ້ງປາຖະກະຖາຄັ້ງນີ້ ແມ່ນເພື່ອໃຫ້ພະນັກງານ-ສະມາຊິກພັກ, ພະນັກງານ-ລັດຖະກອນ ແລະ ປະຊາຊົນບັນດາເຜົ່າ ເພີ່ມທະວີໃຫ້ສະຕິເຄົາລົບ ຕໍ່ລະບຽບກົດໝາຍບ້ານເມືອງ, ເຄື່ອນໄຫວດໍາລົງຊີວິດ ຢູ່ພາຍໃຕ້ລັດຖະທໍາມະນູນ ແລະ ກົດໝາຍແຫ່ງ ສປປລາວ, ພ້ອມນັ້ນທ່ານຍັງຊຸກຍູ້ໃຫ້ພະນັກງານ-ລັດຖະກອນ ຕ້ອງເປັນເຈົ້າການໂຄສະນາແນວທາງຂອງພັກ-ລັດໃຫ້ໄວ້ໃຫ້ດີໃຫ້ຫຼາຍ ແລະ ຕ້ອງໂຄສະນາຢູ່ພາຍໃຕ້ຂໍ້ຫ້າມຕ່າງໆ ຂອງກົດໝາຍສື່ມວນຊົນ ທີ່ລະບຸກໄວ້ໃນມາດຕາ 66, 67 ແລະ 68 ຢ່າງເຂັ້ມງວດ ແລະ ນອກຈາກທ່ານຍັງ ໄດ້ເນັ້ນໜັກໃຫ້ພະນັກງານ-ລັດຖະກອນ ແລະ ປະຊາຊົນບັນດາເຜົ່າ ເວົ້າລວມເວົ້າສະເພາະປະຊາຊົນບັນດາເຜົ່າຊາວແຂວງສາລະວັນ ຄວນຮໍ່າຮຽນເອົາຄຸນງານຄວາມດີ, ຄຸນສົມບັດ-ສິນທໍາປະຕິວັດ ແລະ ຕ້ອງເສີມຂະຫຍາຍມູນເຊື້ອຂອງຜູ້ນໍາພາພັກ-ລັດໃນສະໄໝຕໍ່ສູ້ກູ້ຊາດ , ມີຄວາມສາມັກຄີເປັນປຶກແຜ່ນ ຈົນສາມາດຍາດໄດ້ໄຊຊະນະ ໃນວັນທີ 23 ສິງຫາ ແລະ ຈະຄົງຢູ່ໃນດວງໃຈປະຊາຊົນລາວຕະຫຼອດໄປ. ພິທີໄດ້ດໍາເນີນໄປເປັນເວລາ 1 ຄາບ ເລີ່ມແຕ່ 8:30 ໂມງຫາ 11:00 ໂມງ ຈິ່ງປິດລົງດ້ວຍຜົນສໍາເລັດຢ່າງຈົບງາມ.

ແບ່ງປັນ