ປກສແຂວງ ຮ່ວມກັບຄະນະໂຄສະນາອົບຮົມແຂວງສາລະວັນ ເລົ່າຄືນມູນເຊື້ອ 23 ສິງຫາ ວັນມະຫາໄຊຊະນະ ແລະ ຄຸນຄວາມດີຂອງປະທານສຸພານຸວົງ

69

ໃນວັນທີ 6 ສິງຫາ 2019 ນີ້, ຄະນະໂຄສະນາອົບຮົມແຂວງ ຮ່ວມກັບປກສແຂວງສາລະວັນ ໄດ້ຈັດພິທີປາຖະກະຖາເລົ່າມູນເຊື້ອວັນຄ້າຍວັນເກີດປະທານ ສຸພາ ນຸວົງ ຄົບຮອບ 110 ປີ ແລະ ວັນຢຶດອໍານາດ 23 ສິງຫາ 1945 ແລະ 1975 ແລະ ວັນສໍາຄັນຕ່າງໆ ຂອງພັກຂອງຊາດ ແລະ ຂອງສາກົນ ຂຶ້ນທີ່ສະໂມສອນໃຫຍ່ຂອງແຂວງ ໂດຍໃຫ້ກຽດເປັນປະທານ ພ້ອມທັງເລົ່າມູນເຊື້ອຂອງທ່ານ ສີເຮັງ ຫອມສົມບັດ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງສາລະວັນ ແລະ ມີທ່ານ ພັອ ສີເສີດ ສອນດາລາ ຫົວໜ້າ ປກສ ແຂວງ ແລະ ມີບັນດາທ່ານ ນາຍ ແລະ ພົນຕໍາຫຼວດ, ຫົວໜ້າ ແລະ ຮອງຫົວໜ້າພະແນກ ຈາກ ປກສ ແຂວງ ຫົວໜ້າກອງບັນຊາການ ປກສ ເມືອງສາລະວັນ ພ້ອມດ້ວຍອ້າຍນ້ອງ ປກສ ຈາກເມືອງ ແລະ ແຂວງ ເຂົ້າຮ່ວມທັງໝົດ 259 ສະຫາຍ, ຍິງ 64 ສະຫາຍ ໃນພິທີໄດ້ເລົ່າຄືນປະຫວັດຄວາມເປັນມາ ແລະ ຜົນງານການເຄື່ອນໄຫວ ຂອງປະທານທີ່ແສນເຄົາລົບຮັກ ຂອງພວກເຮົາຄືທ່ານ ສຸພານຸວົງ ແລະ ໄດ້ເລົ່າເຫດການ ການຮ່ວມມືແບບພິເສດ ແລະ ສາຍພົວພັນການທູດລາວ-ຫວຽດນາມ ທີ່ຫາບໍ່ມີໃນໂລກ ພ້ອມທັງໄດ້ຍົກເຫດການຕົວຈິງທີ່ເກີດຂຶ້ນໃນເມື່ອກ່ອນ ດ້ວຍການນໍາເອົາຮູບພາບ, ວີດີໂອສາຍໃຫ້ບັນດາຜູ້ຟັງໄດ້ເຫັນປະຈັກຕາ ສົມກັບເຫດການຕົວຈິງ ແລະ ໄດ້ເລົ່າເຖິງເຫດການທີ 23 ສິງຫາ ວັນຫາໄຊຊະນະຂອງປວງຊົນລາວທັງຊາດ. ຈຸດປະສົງໃນການຈັດຕັ້ງປາຖະກະຖາຄັ້ງນີ້ ແມ່ນເພື່ອໃຫ້ພະນັກງານສະມາຊິກພັກ, ນາຍ ແລະ ພົນຕໍາຫຼວດ ໄດ້ຮູ້ເຖິງຊີວິດ ແລະ ການເຄື່ອນໄຫວຂອງຜູ້ນໍາປະຕິວັດລາວໃນສະໄໝຕໍ່ສູ້ກູ້ຊາດ ແລະ ຮໍ່າຮຽນເອົາຄຸນງານຄວາມດີ, ຄຸນສົມບັດສິທໍາປະຕິວັດ ແລະ ເສີມຂະຫຍາຍມູນເຊື້ອດັ່ງກ່າວ ໃຫ້ຢືນຍົງຄົງຢູ່ໃນດວງໃຈປະຊາຊົນລາວຕະຫຼອດໄປ;ນອກຈາກນັ້ນ, ທ່ານຍັງໄດ້ເລົ່າງເຖິງມູນເຊື້ອສາຍພົວພັນລາວ-ຫວຽດນາມເປັນມູນ ເຊື້ອ ແບບພິເສດລະຫວ່າງ ລາວ-ຫວຽດນາມ ທີ່ຫາບໍ່ມີໃນປະຫວັດສາດໂລກທີ່ມີຄວາມສາມັກຄີແບບພໍ່ແມ່ດຽວກັນ ແລະ ຮ່ວມຂຸມຄອງດຽວກັນ, ຕໍ່ສູ້ກັບສັດຕູໂຕດຽວກັນ ຈົນສາມາດຍາດໄຊຊະນະ ໃນຕໍ່ສະໄໝຕໍ່ສູ້ກູ້ຊາດ.ນອກນັ້ນ ກໍ່ເພື່ອເສີມຂະຫຍາຍມູນເຊື້ອ 23 ສິງຫາ ວັນມະຫາໄຊຊະນະ ຂອງລາວ ໃຫ້ຄົງຢູ່ ແລະ ເຖິງເສີມຂະຫຍາຍເລື້ອຍໆ ພິທີຄັ້ງນີ້ ໄດ້ດໍາເນີນໄປເປັນເວລາ 1 ຄາບ ເລີ່ມແຕ່ 8:30 ໂມງຫາ 11:00 ໂມງ ຈິ່ງປິດລົງດ້ວຍຜົນສໍາເລັດຢ່າງຈົບງາມ.

 

ແບ່ງປັນ