ກໍາມະບານຮາກຖານ ຄະນະໂຄສະນາອົບຮົມແຂວງສາລະວັນ ຮັບນາມມະຍົດ 5 ເປັນເຈົ້າ 3 ປີຕໍ່ເນື່ອງ

80

ໃນວັນທີ 27 ມິຖຸນາ 2019 ກໍາມະຮາກຖານ ຄະນະໂຄສະນາອົບຮົມແຂວງສາລະວັນ ໄດ້ປະກາດ ຮາກຖານ ກໍາມະບານ 5 ເປັນເຈົ້າ 3 ປີ ຕໍ່ເນື່ອງ ຂຶ້ນທີ່ຫ້ອງປະຊຸມຊັ້ນສາມ ຂອງຫ້ອງວ່າການປົກຄອງແຂວງ ໂດຍໃຫ້ເຂົ້າເປັນຄະນະປະທານ ຂອງທ່ານ ຈິດຕະກອນ ສາຍສະໝຸດ ຮອງປະທານ ຄະນະບໍລິຫານງານ ສະຫະພັນກໍາມະບານແຂວງ ແລະ

ທ່ານ ສົມສັກ ໄຊຍະຈັກ ປະທານ ກໍາມະບານ ຮາກຖານ ຄະນະໂຄສະນາອົບຮົມແຂວງ ແລະແຂກທີ່ຖືກເຊີນຈາກກໍາ ມະບານ ຮາກຖານ ຫ້ອງວ່າການປົກຄອງແຂວງ ແລະ ມີບັນດາສະມາຊິກກໍາມະບານ ພາຍໃນຄະນະໂຄສະນາອົບຮົມແຂວງ ເຂົ້າຮ່ວມທັງໝົດ 26 ທ່ານ , ຍິງ 9 ທ່ານ. ໃນພິທີຄັ້ງນີ້ ໄດ້ຮັບຟັງການຜ່ານບົດສະຫຼຸບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ຈາກທ່ານ ອິນທະວົງ ໄຊທະນາສີ ຮອງປະທານກຳມະບານຮາກຖານ ຄະນະໂຄສະນາອົບຮົມແຂວງ ໃນບົດໄດ້ຢັ້ງຢືນຢືນເຖິງຜົນງານການຈັດຕັ້ງປະຕິບັດເນື້ອໃນ 5 ເປັນເຈົ້າ 3 ປີຜ່ານມາ ແລະ ທິດທາງແຜນການ 3 ປີ ຕໍ່ໜ້າ. ໃນພີທີຄັ້ງນີ້ ຍັງໄດ້ມີການມອບຮັບໃບຮັບຮອງ, ໃບຍ້ອງຍໍບຸກຄົນທີ່ມີຜົນງານດີເດັ່ນໃນການເຄື່ອນໄຫວວຽກກໍາມະບານໃນໄຍຍະຜ່ານມາ ແລະ ໃນຕອນທ້າຍໄດ້ຮັບຟັງການມີຄໍາເຫັນໂອ້ລົມຊີ້ທິດເຍືອງທາງຈາກທ່ານ ປະທານ ເຊິ່ງທ່ານໄດ້ມີຄໍາເຫັນເນັ້ນໜັກໃຫ້ ກໍາມະບານຮາກຖານ ຄະນະໂຄສະນາອົບຮົມແຂວງ ຕ້ອງສືບຕໍ່ເສີມຂະຫຍາຍຈຸດດີ ແລະ ສືບຕໍ່ປັບປຸງຈຸດອ່ອນຂໍ້ຄົງຄ້າງ ຫຼັງຈາກນັ້ນ, ຄະນະກຳມະບານຮາກຖານ ໄດ້ຮັບຄໍາໂອວາດຈາກປະທານ. ໃນຕອນທ້າຍພີທີໄດ້ມີການເປີດປ້າຍກຽດຕີຍົດ.ພີທີໄດ້ດໍາເນີນໄປເປັນເວລາ 1 ຄາບ ຈິ່ງປິດລົງດ້ວຍຜົນສໍາເລັດຢ່າງຈົບງາມ.

ແບ່ງປັນ