ຄະນະໂຄສະນາອົບຮົມແຂວງສາລະວັນ ຮ່ວມກັບ16ພະແນກການ,ບໍລິສັດ,ລັດວິສາຫະກິດ ອ້ອມຂ້າງແຂວງ ສ້າງຂະບວນການເຕະບານ ເພື່ອຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີ IX ຂອງອົງຄະນະພັກ ແຂວງສາລະວັນ ຕິດພັນ ກັບການສົມທົບທຶນຊ່ວຍເຫຼືອປະຊາຊົນ ຜູ້ປະສົບໄພພິບັດທາງທໍາມະຊາດ ຢູ່ເມືອງສະໝ້ວຍ ແຂວງສາລະວັນ

168

ມາໃນຕົ້ນເດືອນ ພະຈິກ 2020 ນີ້, ຄະນະໂຄສະນາອົບຮົມແຂວງສາລະວັນ ໄດ້ເຄື່ອນໄຫວສ້າງກິດຈະກໍາ ເພື່ອຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງ ຕິດພັນກັບການສົມທົບທືນຊ່ວຍ  ເຫຼືອພໍ່ ແມ່ປະຊາຊົນ ຜູ້ປະສົບໄພພິບັດທາງທໍາມະຊາດ ຢູ່ເມືອງສະໝ້ວຍ   ເຊີ່ງໄດ້ສ້າງຄວາມເສຍຫາຍໜັກໜ່ວງແກ່ປະຊາຊົນໂດຍສະເພາະແມ່ນ: ການເສຍຊີວິດ, ເສຍຊັບສີນ ແລະ ອື່ນໆ. ດັ່ງນັ້ນ,  ຄະນະໂຄສະນາອົບຮົມແຂວງ ຈຶ່ງໄດ້ເຄື່ອນໄຫວສ້າງກິດຈະກໍາເຕະບານ ກະຊັບມິດ ຮ່ວມກັບ 16  ພະແນກການ;  ໃນນັ້ນ  ສໍາເລັດແລ້ວ 8 ພະແນກການ ເພື່ອເປັນການປຸກລະດົມແນວຄິດຈິດໃຈ ຂອງພະນັກງານ –  ສະມາຊິກພັກ, ປະຊາຊົນບັນດາເຜົ່າ ຊາວແຂວງສາລະວັນ ໃຫ້ຕື່ນຕົວສົ່ງແຮງໃຈ ແລະ ປະກອບສ່ວນວັດຖຸ  ໃຫ້ແກ່ຜູ້ທີ່ຖືກຜົນກະທົບ  ທາງທໍາມະຊາດ ຢູ່ເມືອງສະໝ້ວຍ ເຊິ່ງເຂົາເຈົ້າກຳລັງສູນເສຍຊັບສິນ, ກໍາລັງໃຈ,  ບາງຄອບຄົວກໍ່ສູນເສຍຄົນພໍ່ແມ່ອັນທີ່ແສນຮັກຂອງຕົນ ຈາກເຫດທີ່ພາຍຸພັດທະຫຼົ່ນ ໃນລະຫວ່າງ  ເດືອນຕຸລາ  2020 ແລ້ວນີ້. ເພື່ອເປັນການປອບຂວັນກໍາລັງໃຈ, ແລະ ຢຽວຢາ ໃຫ້ແກ່ພີ່ນ້ອງຜູ້ທີ່ປະສົບໄພທາງມະຊາດ ເມືອງສະໝ້ວຍ. ຄະນະໂຄສະນາອົບຮົມແຂວງສາລະວັນ ຮ່ວມກັບ 16 ພະແນການຂອງແຂວງ, ຫ້າງຮ້ານ ແລະບໍລິສັດ, ລັດວິສາຫະກິດອ້ອມຂ້າງແຂວງ ສາລະວັນ ພ້ອມກັນປະກອບສ່ວນເປັນເງິນຈໍານວນໜື່ງ ເພື່ອຈະນໍາໄປຊ່ວຍເຫຼືອ.

ແບ່ງປັນ