ແຂວງສາລະວັນ ເປີດຮຽນສະໜັບສະໜູນ ໃຫ້ແກ່ມະຫາຊົນຜູ້ທີ່ມີຄວາມກ້າວໜ້າ ເພື່ອຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວ ໃຫ້ແກ່ 5 ພະແນກອ້ອມຂ້າງແຂວງ

99

ໃນຕອນເຊົ້າຂອງວັນທີ 11 ພະຈິກ 2020 ຄະນະໂຄສະນາອົບຮົມແຂວງ   ໄດ້ຈັດພິທີເປີດຮຽນສະໜັບສະໜູນໃຫ້ແກ່ມະຫາຊົນຜູ້ທີ່ມີຄວາມກ້າວໜ້າ ເພື່ອຂະຫຍາຍເຂົ້າເປັນສະມາຊິກພັກປະຊາຊົນ ປະຕິວັດລາວ ຂຶື້ນທີ່ຫ້ອງປະຊຸມຊັ້ນ 3 ຂອງຫ້ອງວ່າການແຂວງ, ໂດຍພາຍໃຕ້ການເປັນປະທານ ແລະ ໃຫ້ກຽດຜ່ານເອກະສານ ຂອງສະ ຫາຍ ຈັນສະໝອນ ພົມມະແສງ ກໍາມະການພັກແຂວງ, ຮອງຫົວໜ້າຄະນະໂຄສະນາອົບຮົມແຂວງ, ມີບັນດາມະ ຫາຊົນຜູ້ທີ່ມີຄວາມກ້າວໜ້າ ເຂົ້າຮຽນທັງໝົດ 31 ສະຫາຍ, ຍິງ 14 ສະຫາຍ. ໃນນັ້ນ, ມາຈາກຄະນະພັກຮາກ ຖານພະແນກສຶກສາທິການ ແລະ ກິລາແຂວງ,  ພະແນກສາທາລະນະສຸກແຂວງ , ຄະນະບໍລິຫານງານຊາວໜຸ່ມແຂວງ, ຄະນະຈັດຕັ້ງແຂວງ ແລະ ທະນາຄານສົ່ງເສີມກະສິກໍາ ສາຂາແຂວງສາລະວັນ;  ສະຫາຍ ຈັນສະໝອນ ພົມມະແສງ ກໍາມະການພັກແຂວງ, ຮອງຫົວໜ້າຄະນະໂຄສະນາອົບຮົມແຂວງ  ກໍ່ໄດ້ຜ່ານເອກະສານອົບຮົມເປົ້າໝາຍຂະຫຍາຍ ເຂົ້າພັກ ປະກອບມີ 11 ເນື້ອໃນ ຕົ້ນຕໍ:  ໃນພິທີ,  ບັນດາມະຫາຊົນ ຜູ້ທີ່ມີຄວາມກ້າວໜ້າໄດ້ຕັ້ງໜ້າເອົາໃຈໃສ່ຕິດຕາມ, ບັນທຶກບົດຮຽນ  ແລະ  ເຮັດໃຫ້ບັນດາມະຫາຊົນ ຜູ້ທີ່ມີຄວາມກ້າວໜ້າ ຮັບຮູ້ເຂົ້າໃຈ  ກ່ຽວກັບບັນດາເນື້ອໃນພື້ນຖານການກໍ່ສ້າງພັກ, ປະຫວັດຄວາມເປັນມາຂອງພັກ  ແລະ ປະທານຍັງໄດ້ເນັ້ນໜັກ ໃຫ້ມະຫາຊົນຜູ້ທີ່ມີຄວາມກ້າວໜ້າ ຕ້ອງປະຕິບັດຢ່າງເຂັ້ມງວດ ແລະ ທ່ານ ປະທານ ໄດ້ຍົກ  9 ຂໍ້ຫ້າມຂອງສະມາຊິກພັກ ປະຊາຊົນປະຕິວັດລາວ ໃຫ້ມະຫາຊົນຜູ້ທີ່ມີຄວາມກ້າວໜ້າ ຕ້ອງປະຕິບັດຕາມ: ຫ້າມສະແດງທັດສະນະ ແລະ ປະພືຶດທີ່ເປັນການລະເມີດ ແລະ ຕ້ານກັບແນວທາງ, ມະຕິ,ຄໍາສັ່ງ, ກົດລະບຽບພັກ, ລັດ ຖະທໍາມະນູນ, ກົດໝາຍຂອງລັດ,ຫ້າມເປີດເຜີຍຄວາມລັບທີ່ເປັນຄວາມລັບຂອງຊາດ;ຫ້າມຈັດຕັ້ງ,ເຄື່ອນໄຫວ ແລະ ເຂົ້າຮ່ວມຊຸມນຸມປະທ້ວງ ຫຼື ນໍາໃຊ້ສື່ສັງຄົມອອນລາຍ ຕ້ານການຈັດຕັ້ງພັກ-ລັດ, ກໍ່ພັກແຍກພວກ, ແບ່ງແຍກຄວາມສາມັກຄີພາຍໃນ ແລະ ຄວາມສາມັກຄີບັນດາເຜົ່າ.; ຫ້າມສ່ວຍໃຊ້ສິດອໍານາດ, ຖານະຕໍາແໜ່ງໜ້າ ທີ່ຂອງຕົນ  ຫຼື ແອບອ້າງຊື່ສຽງຂອງບຸກຄົນອື່ນເພື່ອສະແຫວງຫາຜົນປະໂຫຍດສ່ວນຕົວ, ຄອບຄົວ ແລະ ຍາດພີ່ນ້ອງ; ຫ້າມຄອບຄອງ, ນໍາໃຊ້ຊັບສິນຂອງລັດ ແລະ ລວມໝູ່ ເພື່ອຈຸດປະສົງສ່ວນຕົວ ໂດຍບໍ່ຖືກຕ້ອງຕາມກົດລະບຽບພັກ ແລະ ກົດໝາຍຂອງລັດ; ຫ້າມໃຫ້ສິນບົນ, ຮັບສິນບົນ, ທວງເອົາ, ຂໍເອົາສ່ວນແບ່ງໂດຍທາງກົງ ຫຼື ທາງອອ້ມ  ແລະ  ພຶດຕິກໍາອື່ນໆ ທີ່ເປັນການສໍ້ລາດບັງຫຼວງຕາມທີ່ໄດ້ກໍານົດໄວ້ໃນກົດໝາຍຕ້ານການສໍ້ລາດບັງຫຼວງ; ຫ້າມສະ ມາຊີກພັກ ທີ່ມີອໍານາດໃນອົງການຂອງພັກ, ຂອງລັດ, ແນວລາວສ້າງຊາດ, ອົງການຈັດຕັ້ງມະຫາຊົນ, ວິສາຫະກິດຂອງລັດ ແຕ່ງຕັ້ງຜົວ ຫຼື ເມຍ, ລູກ ຫຼື ຍາດໃກ້ຊິດ ຮັບຜິດຊອບວຽກງານຈັດຕັ້ງ -ພະ ນັກງານ, ວຽກງານກວດກາ, ເລຂາ, ບັນຊີການເງິນ, ນາຍຄັງ, ນາຍສາງ ຫຼື ເປັນຜູ້ຈັດຊື້ ແລະ ຈັດຈ້າງຕ່າງໆຢູ່ພາຍໃນການຈັດຕັ້ງຂອງຕົນຮັບຜິດຊອບ; ຫ້າມສະມາຊີກພັກທີ່ເປັນພະນັກງານ-ລັດຖະກອນ, ທະຫານ, ຕໍາຫຼວດທີ່ຍັງປະຈໍາການດໍາເນີນທຸລະກິດໂດຍການເປັນເຈົ້າຂອງ, ເປັນຄະນະອໍານວຍການ ແລະ ຜູ້ຈັດການຂອງຫົວໜ່ວຍທຸລະກິດໃດໜຶ່ງ ເວັ້ນເສຍແຕ່ໄດ້ຮັບອະນຸຍາດ; ຫ້າມແກ້ແຄ້ນ, ບັງຄັບ, ນາບຂູ່ຕໍ່ຜູ້ກ່າວຟ້ອງ, ຜູ້ຕໍານິສົ່ງຂ່າວ, ຜູ້ຊັກຖາມ ແລະ ຜູ້ສະເໜີລາຍງານດ້ານຫຍໍ້ທໍ້ຕ່າງໆຂອງຕົນໃຫ້ແກ່ການຈັດຕັ້ງ; ຫ້າມປະພຶດທີ່ເປັນການລະເມີດຕໍ່ຮີດຄອງ, ປະເພນີ ແລະ ວັດທະນະທໍາອັນດີງາມຂອງຊາດລາວ, ຫຼິ້ນການພະນັນ ທີ່ລັດຕ້ອງຫ້າມທຸກປະເພດ, ຫຼີ້ນກິນຟຸມເຟືອຍ, ເຄື່ອນໄຫວເປັນໝໍຜີ, ໝໍດູ, ໝໍເຢົາ ແລະ ສ່ວຍໃຊ້ສາສະໜາເຄື່ອນໄຫວຜິດຕໍ່ກົດລະບຽບ, ກົດໝາຍ. ໃນຕອນທ້າຍພິທີ ໄດ້ມອບ-ຮັບໃບຢັ້ງຢືນ ໃຫ້ແກ່ມະຫາຊົນ ຜູ້ທີ່ມີຄວາມກ້າວໜ້າ ຈໍານວນ  31 ສະຫາຍ, ຍິງ 14 ສະຫາຍ ໂດຍໃຫ້ກຽດມອບຂອງ ສະຫາຍ ຈັນສະໝອນ ພົມມະແສງ ກໍາມະການພັກແຂວງ, ຮອງຫົວໜ້າຄະນະໂຄສະນາອົບຮົມແຂວງ. ພິທີຮຽນສະໜັບສະໜູນຄັ້ງນີ້ ໄດ້ໃຊ້ເວລາ 1 ຄາບຈິ່ງປິດລົງດ້ວຍຜົນສໍາເລັດຢ່າງຈົບງາມ.

 

ແບ່ງປັນ