ຄະນະໂຄສະນາອົບຮົມແຂວງສາລະວັນ ຕີລາຄາຄືນການຈັດຕັ້ງປະຕິບັດວຽກງານໂຄສະນາອົບຮົມທົ່ວແຂວງ 6 ເດືອນຕົ້ນປີ 2019

57
n

ໃນວັນທີ 25/6/2019 ຄະນະໂຄສະນາອົບົຮມແຂວງສາລະວັນ ໄດ້ຈັດຕັ້ງກອງປະຊຸມສະຫຼຸບວຽກງານໂຄສະນາອົບ ຮົມທົ່ວແຂວງ ປະຈໍາ 6 ເດືອນຕົ້ນປີ ແລະ ທິດທາງແຜນການ 2019 ຂຶ້ນ ທີ່ຫ້ອງປະຊຸມຊັ້ນສອງຂອງສະໂມສອນໃຫຍ່ຂອງແຂວງ. ໂດຍພາຍໃຕ້ການເປັນປະທານ ແລະ ໂອ້ລົມຕໍ່ກອງປະຊຸມ ຂອງທ່ານ ສີເຮັ່ງ ຫອມສົມບັດ ຄະນະປະຈໍາປະພັກແຂວງ, ຫົວຫນ້າຄະນະໂຄສະນາອົບຮົມແຂວງ, ແລະ ໃຫ້ກຽດເຂົ້າຮ່ວມມີກໍາມະການພັກແຂວງ, ທ່ານຫົວຫນ້າພະແນກ, ຮອງພະແນກ, ຄະນະຊີ້ນໍາວຽກງານຫາງສຽງສັງຄົມຂັ້ນແຂວງ, ຄະນະໂຄສະນາອົບຮົມ 8 ເມືອງ ແລະ ຜູ້ທີ່ເຮັດວຽກງານໂຄສະນາອົບຮົມຢູ່ຮາກຖານພັກອ້ອມຂ້າງແຂວງ, ພ້ອມດ້ວຍພະນັກງານ – ລັດຖະກອນພາຍໃນຄະນະໂຄສະນາອົບຮົມແຂວງ ເຂົ້າຮ່ວມທັງຫມົດ 59 ສະຫາຍ, ຍິງ 13 ສະຫາຍ. ກອງປະຊຸມໄດ້ດໍາເນີນໄປເປັນເວລາ 1 ວັນ ກອງປະຊຸມໄດ້ພ້ອມກັນຄົ້ນຄວ້າຕີລາຄາ ແລະ ປະກອບຄໍາຄິດຄໍາເຫັນ ຢ່າງຕັ້ງຫນ້າ ເພື່ອປັບປຸງຍົກສູງຄຸນນະພາບຂອງວຽກງານໂຄສະນາອົບຮົມ ເຊິ່ງສະແດງອອກດັ່ງນີ້ :
1. ກອງປະຊຸມໄດ້ເຜີຍແຜ່ເຊື່ອມຊຶມມະຕິ 10 ສະໄຫມທີ VII ຂອງອົງຄະນະພັກແຂວງສາລະວັນ.
2. ກອງປະຊຸມໄດ້ຮັບຟັງການຕີລາຄາສະພາບການເຄື່ອນໄຫວວຽກງານໂຄສະນາອົບຮົມ6 ເດືອນຕົ້ນປີ ແລະ ທິດ ທາງແຜນການ 6 ເດືອນທ້າຍ ປີ 2019.
3. ຜ່ານບົດສະຫຼຸບສັງລວມຫາງສຽງສັງຄົມ 6ເດືອນຕົ້ນປີ 2019 ແລະ ທິດທາງແຜນການ 6 ເດືອນທ້າຍປ 2019.
4. ການເຄື່ອນໄຫວວຽກງານໃນໄລຍະຜ່ານມາຂອງຂະແຫນງຂໍ້ມູນຂ່າວສານ ແລະ ສິ່ງພິມ.
5. ປະກາດການຈັດຕັ້ງ ຂອງຄະນະໂຄສະນາອົບຮົມແຂວງສາລະວັນ.
ພ້ອມດຽວກັນນັ້ນກອງປະຊຸມໄດ້ຄົ້ນຄວ້າປະກອບຄວາມເຫັນຕໍ່ການຈັດຕັ້ງປະຕິບັດວຽກງານດັ່ງກ່າວ ຢ່າງກົງໄປກົງ ມາເປັນຕົ້ນແມ່ນໄດ້ສະເຫນີຄວາມຄິດເຫັນກ່ຽວກັບຄວາມພະຍາຍາມໃນການຍົກສູງຄຸນນະພາບຂອງວຽກງານແນວ ຄິດ ໃນເງື່ອນໄຂໃຫມ່ ແລະ ສ້າງຄວາມຮັບຮູ້ເຂົ້າໃຈແກ່ພະນັກງານສະມາຊິກພັກ ແລະ ປະຊາຊົນຢ່າງກວ້າງຂວາງ. ເຊິ່ງມີຜູ້ແທນປະກອບຄໍາເຫັນທັງຫມົດ 6 ສະຫາຍ, ຍິງ 1 ສະຫາຍ ໃນນັ້ນ ເມື່ອງ 2 ສະຫາຍ, ຍິງ 1 ສະຫາຍ ແລະ ພະແນກການອ້ອມຂ້າງ 4 ສະຫາຍ. ຈຸດປະສົງ ຂອງການຈັດຕັ້ງກອງປະຊຸມເທື່ອນີ້ ແມ່ນເພື່ອຕີລາຄາຄືນຜົນການຈັດຕັ້ງປະຕິບັດວຽກງານໂຄສະນາອົບຮົມ ໃນເດືອນ 6 ຕົ້ນປີ 2019 ຜ່ານມາ ແລະ ພ້ອມກັນວາງທິດທາງແຜນ ການ 6 ເດືອນ ໃນຕໍ່ໜ້າ. ກອງປະຊຸມໄດ້ດໍາເນີນໄປເປັນເວລາ 1 ວັນ ຈິ່ງອັດລົງດ້ວຍຜົນສໍາເລັດຢ່າງຈົບງາມ.

ແບ່ງປັນ