ຄະນະໂຄສະນາອົບຮົມແຂວງສາລະວັນ ເປີດຮຽນກົດລະບຽບພັກ ຊຸດທີ II ປະຈໍາປີ 2019

118
¯

ໃນວັນທີ 13 ເດືອນ ມິຖຸນາ 2019 ຄະນະໂຄສະນາອົບຮົມແຂວງສາລະວັນ ໄດ້ເປີດຮຽນກົດລະບຽບພັກປະຊາຊົນ ປະຕິວັດລາວ ໃຫ້ແກ່ມະຫາຊົນກ້າວໜ້າຜູ້ທີ່ມີຄວາມກ້າວໜ້າ ຂຶ້ນທີ່ຫ້ອງປະຊຸມຊັ້ນສາມ ຂອງຫ້ອງວ່າການປົກຄອງແຂວງ ໂດຍໃຫ້ກຽດເປັນປະທານຂອງທ່ານ ສີເຮັງ ຫອມສົມບັດ ຄະນະປະຈໍາພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງສາລະວັນ ແລະ ມີບັນດາສະຫາຍຕ່າງໜ້າ ຄະນະພັກຮາກຖານ, ໜ່ວຍພັກ ເຂົ້າຮ່ວມ 4 ພາກສ່ວນ: ໃນພິທີຄັ້ງນີ້, ມີບັນດາສະຫາຍມະຫາຊົນ ຜູ້ທີ່ຄວາມກ້າວໜ້າ ເຂົ້າຮໍ່າຮຽນທັງໝົດ 40 ສະຫາຍ, ຍິງ 13 ສະຫາຍ ໃນນັ້ນ, ມາຈາກຄະນະພັກຮາກຖານວິທະຍາໄລຄູແຂວງ, ຄະນະພັກຮາກຖານພະແນກກະສິກໍາ ແລະ ປ່າໄມ້ແຂວງ, ໜ່ວຍພັກພະແນກພະລັງງານ ແລະ ບໍ່ແຮ່ແຂວງ, ໜ່ວຍພັກພະແນກອຸດສາຫະກໍາ ແລະ ການຄ້າແຂວງ, ໜ່ວຍພັກລັດວິສາຫະກິດໄຟຟ້າລາວສາຂາແຂວງ, ໜ່ວຍພັກສະພາປະຊາຊົນແຂວງ, ໜ່ວຍພັກ ຄະນະບໍລິຫານງານຊາວໜຸ່ມແຂວງ, ໜ່ວຍພັ ອົງການໄອຍະການແຂວງ, ຄະນະພັກຮາກຖານພະແນກໄປສະນີ, ໂທລະຄົມ ແລະ ສື່ສານແຂວງ ແລະ ຄະນະພັກຮາກຖານ ພະແນກການເງິນແຂວງ. ໃນພິທີຄັ້ງນີ້ ປະທານກອງປະຊຸມ ໄດ້ເຊື່ອມຊຶມກົດລະບຽບພັກປະຊາຊົນລາວ ສະໄໝທີ X ແລະ ຜ່ານມາດຖານ ແລະ ເງື່ອນໄຂ ຂອງຜູ້ຈະຂະຫຍາຍເຂົ້າພັກປະຊາຊົນປະຕິວັດລາວ ແລະ ທ່ານ ໄດ້ເນັ້ນນັກໃຫ້ມະຫາຊົນກ້າວໜ້າ ຕ້ອງປະຕິບັດໃຫ້ໄດ້ 9 ຂໍ້ຫາມຂອງສະມາຊິກພັກ. ໃນຕອນທ້າຍ ພິທີ ໄດ້ມີການມອບໃບຢັ້ງຢືນ ໃຫ້ແກ່ມະຫາຊົນຜູ້ທີ່ມີຄວາມກ້າວໜ້າ. ພິທີໃນຄັ້ງນີ້ ໄດ້ໃຊ້ເວລາ 1 ຄາບ ເລີ່ມແຕ່ເວລາ 8:30-11:30 ໂມງ ຈິ່ງອັດລົງດ້ວຍຜົນສໍາເລັດຢ່າງຈົບງາມ.

 

 

 

 

ແບ່ງປັນ