ຫນ່ວຍພັກຮາກຖານຄະນະໂຄສະນາອົບຮົມແຂວງສາລະວັນ ຕີລາຄາການຈັດຕັ້ງແຜນການກໍ່ສ້າງຫນ່ວຍພັກປອດໃສ,ເຂັ້ມແຂງ ແລະ ຫນັກແຫນ້ນ ຄັ້ງທີ II ປະຈໍາປີ 2020

42

ໃນຕອນເຊົ້າຂອງວັນທີ 22 ຕຸລາ 2020 ນີ້,ໜ່ວຍພັກຄະນະໂຄສະນາອົບຮົມແຂວງ ໄດ້ເປີດກອງປະຊຸມ ຕີລາຄາແຜນການກໍ່ສ້າງໜ່ວຍພັກປອດໃສ ເຂັ້ມແຂງ ແລະ ໜັກແໜ້ນປະຈໍາປີ 2020 ທີ່ຫ້ອງປະຊຸມຊັ້ນ III ຂອງຫ້ອງວ່າການແຂວງ ໃຫ້ກຽດເປັນປະທານຂອງ ທ່ານ ຄໍາສິງ ແກ້ວອໍາພອນ ເລຂາໜ່ວຍພັກຮາກຖານຄະນະໂຄສະນາອົບຮົມແຂວງ, ຮອງຫົວໜ້າຄະນະໂຄສະນາອົບຮົມແຂວງ ແລະ ມີບັນດາທ່ານ ແຂກຖືກເຊີນ ຈາກຄະນະໜ່ວຍພັກຫ້ອງວ່າການແຂວງ, ມີສະມາຊິກພັກ ພາຍຄະນະໂຄສະນາອົບຮົມແຂວງ ເຂົ້າຮ່ວມ. ພິທີດັ່ງກ່າວ ໄດ້ເຜີຍແຜ່ເຊື່ອມຊືມຄໍາແນະນໍາ 291/ຄຈສພ, ວ່າດ້ວຍ: ການເພີ່ມທະວີການກໍ່ສ້າງໜ່ວຍພັກປອດໃສເຂັ້ມແຂງ ແລະ ໜັກແໜ້ນ,ເຊື່ອມຊືມ ຄໍາສັ່ງ 01/ກມສພ, ລົງວັນທີ 3 ມັງກອນ 2018 ວ່າດ້ວຍ: ການເພີ່ມທະວີການກໍ່ສ້າງໜ່ວຍພັກປອດໃສເຂັ້ມແຂງ ແລະ ໜັກແໜ້ນ. ຫຼັງຈາກນັ້ນ, ທ່ານ ເປັງ ລາດຄຳພູມີ ຮອງເລຂາໜ່ວຍ, ຫົວໜ້າຫ້ອງການບໍລິຫານ, ຄະນະໂຄສະນາອົບຮົມແຂວງ, ໄດ້ຜ່ານບົດສະຫຼຸບຕີລາຄາແຜນການກໍ່ສ້າງໜ່ວຍພັກປອດໃສ ເຂັ້ມແຂງ ແລະ ໜັກແໜ້ນປະຈໍາປີ 2020 ແລະ ແຜນສູ້ຊົນກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ປີ 2021. ໃນນັ້ນ, ທ່ານໃຫ້ຮູ້ວ່າ: ສະພາບລວມ ແລະ ຈຸດພິເສດ ຂອງໜ່ວຍພັກຄະນະໂຄສະນາອົບຮົມແຂວງ ແມ່ນເປັນໜ່ວຍພັກ, ເອກະລາດ, ເຊີ່ງພາຍໃຕ້ການຊີ້ນຳໆພາຂອງຄະນະປະຈໍາພັກແຂວງ, ມີພາລະບົດບາດ, ເປັນເສນາທິການໃຫ້ຄະນະປະຈໍາພັກແຂວງ ແລະ ຄະນະໂຄສະນາອົບຮົມສູນກາງພັກໃນການຄົ້ນຄ້ວາແນວທາງ, ແຜນນະໂຍບາຍ ແລະ ນະໂຍບາຍໃນຂົງເຂດການເມືອງ-ແນວຄິດ ໄປຕາມຫຼັກການລວມສູນເປັນເອກະພາບ. ໃນທິພີ, ທ່ານ ຍັງໄດ້ຕີລາຄາການຈັດຕັ້ງປະຕິບັດການ​ກໍ່ສ້າງໜ່ວຍພັກປອດໃສ, ເຂັ້ມແຂງແລະ ໜັກແໜ້ນ ໃນ 1 ປີຜ່ານມາ ໃນ 5 ດ້ານ ຄື: ດ້ານການເມືອງ: ໄດ້ໃຈໃສ່ນຳພາຈັດຕັ້ງເຊື່ອມຊຶມແນວທາງແຜນນະໂຍບາຍຂອງພັກ, ກົດລະບຽບພັກ, ກົດໝາຍຂອງລັດ, ບັນດາມະຕິຕ່າງໆຂອງພັກ, ເອກະສານມູນເຊື້ອສໍາຄັນຂອງພັກ, ຂອງຊາດ ໂດຍສະເພາະ ແມ່ນການນຳເອົາມະຕິ X ຂອງພັກ, ມະຕິ 6-12 ສະໃໝທີ VIII ຂອງອົງຄະນະພັກແຂວງ, ເອກະສານສຶກສາອົບຮົມການເມືອງ-ແນວຄິດ ກຽມໃສ່ກອງປະຊຸມໃຫຍ່ຂອງພັກ,ບັນດານິຕິກຳກ່ຽວກັບການຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ 19 ແລະ ອື່ນໆ ໃຫ້ແກ່ສະມາຊິກພັກ-ພະນັກງານລັດຖະກອນພາຍໃນໜ່ວຍພັກໄດ້ 28ຄັ້ງ ມີຈໍານວນພົນເຂົ້າຮ່ວມ 588 ເທື່ອຄົນ,ຍິງ 252 ເທື່ອຄົນ,ສະມາຊິກພັກ 532 ສະຫາຍ,ຍິງ 168 ສະຫາຍ, ເຊື່ອມຊືມ ແລະ ຊຸກຍູ້ບັນດາເມືອງ ,ການຈັດຕັ້ງຮາກຖານພັກເຜີຍແຜ່ເຊື່ອມຊຶມມີຈໍານວນພົນເຂົ້າຮ່ວມ 197,011 ເທື່ອຄົນ,ຍິງ 80,810 ເທື່ອຄົນ,ສະມາຊິກພັກ 42,301 ເທື່ອສະຫາຍ,ຍິງ 15,450 ເທື່ອສະຫາຍ ທຽບໃສ່ແຜນການປະຕິບັດໄດ້ 131 % ເກີນແຜນ 31% ແລະ ນອກຈາກນັ້ນ ທ່ານ ຍັງໄດ້ ຕີລາຄາລວມດ້ານ​ແນວ​ຄິດ, ດ້ານການຈັດຕັ້ງ, ດ້ານແບບແຜນວິທີນໍາພາ ແລະ ການນຳພາປະຕິບັດໜ້າທີ່ການເມືອງ ກໍ່ມີຜົນສໍາເລັດຫຼາຍດ້ານ. ກອງປະຊຸມຍັງໄດ້ແລກປ່ຽນຄໍາຄິດຄໍາເຫັນເຊິ່ງກັນ ແລະ ກັນ ແລະ ແບ່ງຈຸສໍາຫຼວດອອກເປັນ 2 ຈຸ ແລະ ພ້ອມກັນຕໍານິສົ່ງຂ່າວຊ່ວຍເຫຼືອເຊິ່ງກັນ ແລະ ກັນ ເພື່ອເປັນແນວທາງປັບປຸງປ່ຽນແປງຈຸດອ່ອນຂໍ້ຄົງຄົງຄ້າງ ເຮັດໃຫ້ວຽກງານໂຄສະນາອົບຮົມ ໄດ້ມີການປັບປຸງດີຂຶ້ນ.

 

1
2
ແບ່ງປັນ