ຄະນະໂຄສະນາອົບຮົມແຂວງສາລະວັນ ສປປລາວ ພົບປະແລກປ່ຽນບົດຮຽນ ກັບຄະນະໂຄສະນາສຶກສາ ແຂວງ ກວາງຈິ້ ສສ ຫວຽດນາມ

69

ໃນຕອນເຊົ້າຂອງວັນທີ 30 ຕຸລາ 2018 ນີ້, ຄະນະໂຄສະນາອົບຮົມແຂວງສາລະວັນ ເຊິ່ງນໍາໂດຍ ສະຫາຍ ສີເຮັງ ຫອມສົມບັດ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງສາລະວັນ ໄດ້ນໍາພາຄະນະຜູ້ແທນ ສສ ຫວຽດນາມ ເຂົ້າພົບສະຫາຍ ບົວທອງ ຄຸນຍອດປັນຍາ ຮອງເລຂາພັກແຂວງ, ຮອງເຈົ້າແຂວງໆ ສາລະວັນ ໃນພິທີຄັ້ງນີ້, ສະຫາຍຫົວໜ້າຄະນະໂຄສະນາອົບຮົມແຂວງ ໄດ້ກ່າວຈຸດປະສົງການມາຢ້ຽມຢາມ ຂອງຄະນະຜູ້ແທນ ສສ ຫວຽດນາມ. ຫຼັງຈາກນັ້ນ, ຄະນະຜູ້ແທນ ຄະນະໂຄສະນາ-ສຶກສາແຂວງກວາງຈິ້ ເຊິ່ງນໍາໂດຍ ສະຫາຍ ໂຮ່ ດ້າຍນາມ ກໍາມະການພັກແຂວງ, ຫົວໜ້າຄະນະໂຄສະນາ-ສຶກສາ ແຂວງກວ້າງຈິ້ ໄດ້ນໍາພາຄະນະຜູ້ແທນ ຈໍານວນ 10 ສະຫາຍ ເຂົ້າພົບປະ ແລະ ເຮັດວຽກຮ່ວມຄະນະໂຄສະນາອົບຮົມແຂວງສາລະວັນ ສປປ ລາວ ໃນກອງປະຊຸມຄັ້ງນີ້ ທັງສອງຄະນະ ໄດ້ພົບປະແລກປ່ຽນບົດຮຽນໃນຂົງເຂດວຽກງານການເມືອງ-ແນວຄິດຢ່າງມີຫຼັກການຂອງພັກ. ໃນຕອນທ້າຍຂອງກອງປະຊຸມ ໄດ້ຮ່ວມກັນເຊັນບົດບັນທຶນຊ່ວຍຈໍາ ເຊິ່ງໃນບົດບັນທຶນດັ່ງກ່າວໃນບາງຕອນຄະນະຜູ້ແທນສສຫວຽດນາມໄດ້ເຊີນຄະນະຜູ້ແທນຄະນະໂຄສະນາອົບຮົມແຂວງໄປພົບປະ ແລະ ເຮັດວຽກຮ່ວມຄະນະໂຄສະນາ-ສຶກສາແຂວງກວາງຈິ້ສສຫວຽດນາມໃນປີ 2019 ໃນຕອນທ້າຍຂອງກອງປະຊຸມທັງສອງຝ່າຍໄດ້ມອບຂອງທີ່ລະນຶກໃຫ້ກັນກອງປະຊຸມຄັ້ງນີ້ໄດ້ໃຊ້ເວລາ 1 ຄາບຈິ່ງອັດລົງດ້ວຍຜົນສໍາເລັດຢ່າງຈົບງາມ

ແບ່ງປັນ