ຕີລາຄາຄືນຜົນການຈັດຕັ້ງປະຕິບັດວຽກງານໂຄສະນາອົບຮົມທົ່ວແຂວງສາລະວັນ ປະຈໍາ 9 ເດືອນ ແລະ ວາງທິດທາງແຜນການ 3 ເດືອນທ້າຍ ປີ 2018

ມາໃນຕອນເຊົ້າຂອງວັນທີ 4 ຕຸລາ 2018 ນີ້, ຄະນະໂຄສະນາອົບ ຮົມແຂວງສາລະວັນ ໄດ້ເປີດກອງປະຊຸມສະຫຼຸບວຽກງານໂຄສະນາອົບຮົມທົ່ວແຂວງສາລະວັນ ປະຈໍາ 9 ເດືອນແລະວາງທິດ ທາງ ແຜນການ 3 ເດືອນທ້າຍ ປີ 2018 ຂຶ້ນທີ່ຫ້ອງປະຊຸມຊັ້ນ 3 ຂອງຫ້ອງວ່າການປົກຄອງແຂວງ ໂດຍໃຫ້ກຽດເປັນປະທານຂອງທ່ານ ສີເຮັງ ຫອມສົມບັດ ຄະນະປະຈໍາພັກແຂວງ, ຫົວໜ້າຄະນະໂຄສະ ນາອົບຮົມແຂວງ ແລະ ໃຫ້ກຽດເຂົ້າຮ່ວມກອງປະຊຸມຄັ້ງນີ້໊ ມີບັນດາທ່ານຜູ້ຮັບຜິດຊອບວຽກງານໂຄສະ ນາອົບຮົມຢູ່ຮາກຖານພັກອ້ອມຂ້າງແຂວງ ແລະ ບັນດາທ່ານ ຫົວໜ້າຄະນະໂຄສະນາອົບຮົມ 8 ເມືອງ ພະນັກງານ, ສະ ມາຊິກພັກ, ຫົວໜ້າ-ຮອງຂະ ແໜງ, ພະນັກງານ-ລັດຖະກອນ ພາຍໃນຄະນະໂຄສະນາອົບຮົມແຂວງ ເຂົ້າຮ່ວມທັງໝົດ 74 ທ່ານ, ຍິງ 5 ທ່ານ. ຈຸດປະສົງ, ໃນການຈັດຕັ້ງກອງປະຊຸມຄັ້ງນີ້ ແມ່ນເພື່ອຕີລາຄາຄືນຜົນການຈັດ ຕັ້ງປະຕິບັດວຽກງານໄລ ຍະ 9 ເດືອນຜ່ານມາ ແລະ ພ້ອມກັນວາງທິດທາງແຜນການ 3 ເດືອນທ້າຍ ປີ 2018 ອີກຢ່າງໜຶ່ງ ເພື່ອເປັນການແລກປ່ຽນຖອດຖອນບົດຮຽນ
ລະ ຫວ່າງຜູ້ເຮັດວຽກງານໂຄສະນາອົບຮົມທົ່ວແຂວງສາລະວັນ ແລະ ໃນກອງປະຊຸມໄດ້ຍົກໃຫ້ເຫັນດ້ານຕັ້ງໜ້າ ແລະ ດ້ານຫຍໍ້ທໍ້ ໃນການຈັດປະຕິບັດວຽກງານໂຄສະນາອົບຮົມທົ່ວແຂວງ ແລະ ຊອກຊ່ອງທາງໃນການແກ້ໄຂບັນຫາຮ່ວມກັນ. ໃນພິທີຄັ້ງນີ້, ມີຫຼາຍທ່ານ ໄດ້ຍົກໃຫ້ເຫັນບົດຮຽນທີ່ໄດ້ຈັດຕັ້ງໂຄສະ ນາອົບຮົມຢູ່ຮາກຖານພັກຂອງຕົນ ແລະແຕ່ລະເມືອງ ແລະ ລາຍງານສະພາບການ ທີ່ຫຍຸ້ງຍາກໃນການ ຈັດຕັ້ງປະຕິບັດວຽກງານໃນໄລຍະຜ່ານມາ. ໃນພິທີຄັ້ງນີ, ກອງປະຊຸມໄດ້ຖືເອົາໂອກາດກ່າວຄໍາຂອບໃຈ ແລະ ມອບໃບຂອບໃຈຕໍ່ຮ້າງຮ້ານບໍລິສັດຕ່າງໆ ທີ່ໃຫ້ການສະໜັບສະໜູນຕໍ່ວຽກງານການເມືອງ-ແນວຄິດ. ໃນຕອຍທ້າຍ ປະທານກອງປະຊຸມໄດ້ໂອ້ລົມ ແລະ ເນັ້ນໜັກໃຫ້ແຕ່ລະຮາກຖານພັກ ແລະ ແຕ່ລະເມືອງ ເອົາໃຈໃສ່ຕັ້ງໜ້າປະຕິບັດວຽກງານຂອງຕົນ ໃຫ້ສົມກັບ ພັກໃຫ້ສັນຍານານຂອງວຽກງານການ ເມືອງ-ແນວຄິດເປັນວຽກງານແຖວໜ້າ ວຽກນີ້ກົກ. ພິທີຄັ້ງນີ້ ໄດ້ດໍາເນີນໄປເປັນເວລາ 1 ຄາບ ເລີ່ມແຕ່ 8:30 ໂມງຫາ 11:30 ໂມງ ຈິ່ງປິດລົງດ້ວຍຜົນສໍາເລັດຢ່າງຈົບງາມ.