16 ປີ ແຫ່ງການສ້າງຕັ້ງສະຫະພັນນັກລົບເກົ່າແຫ່ງຊາດລາວ

ມາໃນຕອນເຊົ້າຂອງວັນທີ 12 ກັນຍາ 2018 ນີ້, ຄະນະໂຄສະນາອົບຮົມແຂວງ ແລະ ສະຫະພັນນັກລົບເກົ່າແຂວງສາລະວັນ ຮ່ວມກັນຈັດຕັ້ງປາຖະກະຖາ ວັນສ້າງຕັ້ງສະຫະພັນນັກລົບເກົ່າແຫ່ງຊາດ ຄົບຮອບ 16 ປີ ແລະ ວັນສໍາຄັນຕ່າງໆຂອງພັກຂອງຊາດ ແລະ ຂອງສາກົນ ຂຶ້ນທີ່ສະໂມສອນໃຫຍ່ຂອງແຂວງ ໂດຍໃຫ້ກຽດເຂົ້່າຮ່ວມ ແລະ ບັນລະຍາຍເອກສານຂອງທ່ານ ສີເຮັງ ຫອມສົມບັດ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ແລະ ໃຫ້ກຽດເຂົ້າຮ່ວມຮັບຟັງ ມີບັນດາທ່ານ ຫົວ ໜ້າ ແລະ ຮອງພະແນກການ; ນາຍ ແລະ ພົນທະຫານ; ນາຍ ແລະ ພົນຕໍາຫຼວດ, ພະນັກງານຫຼັກແຫຼ່ງ, ນັກສຶກສາ ແລະ ຄູອາ ຈານ ຈາກໂຮງຮຽນການເມືອງການປົກຄອງແຂວງ ແລະ ວິທະຍາໄລຄູ ແຂວງສາລະວັນ, ພະນັກງານ-ລັດຖະກອນ ເຂົ້າຮ່ວມທັງໝົດ 255 ທ່ານ, ຍິງ 70 ທ່ານ; ສະມາຊິກພັກ 135 ສະຫາຍ, ຍິງ 40 ສະຫາຍ ໃນພີທີຄັ້ງນີ້, ໄດ້ຮັບຟັງການເລົ່າຄືນມູນເຊື້ອຕົ້ນກໍາເນີດ, ວິລະກໍາອັນລໍາເລີດຂອງນັກລົບເກົ່າແຫ່ງຊາດລາວ ແລະ ສາເຫດທີ່ພາໃຫ້ມີວັນມີການສ້າງຕັ້ງສະຫະພັນນັກລົບ
ເກົ່າແກ່ງຊາດລາວ. ຈຸດປະສົງໃນການຈັດຕັ້ງປາຖະກະຖາຄັ້ງນີ້ ແມ່ນເພື່ອໃຫ້ພະນັກງານສະມາຊິກພັກ , ພະນັກງານ-ລັດຖະກອນ ຊາວແຂວງສາລະວັນ ຮູ້ເຖິງຄວາມເປັນມາຂອງການສ້າງຕັ້ງສະຫະພັນນັກລົບເກົ່າແຫ່ງຊາດລາວ ແລະ ເພື່ອເຜີຍແຜ່ບົດຮຽນ ແລະ ຄຸນງານຄວາມດີຂອງນັກລົບເກົ່າແຫ່ງຊາດ ທີ່ປະໄວເປັນມູນມັງມໍລະດົກ ຂອງຊາດລາວ ເພື່ອໃຫ້ຄົນລຸ່ນສືບທອດໄດ້ຮໍ່າຮຽນເອົາມູນເຊື້ອດັ່ງກ່າວ. ພິທີຄັ້ງນີ້ ໄດ້ດໍາເນີນໄປເປັນເວລາ 1 ຄາບ ເລີ່ມແຕ່ 8:30 ໂມງຫາ 11:00 ໂມງ ຈິ່ງປິດລົງດ້ວຍຜົນສໍາເລັດຢ່າງຈົບງາມ.