ແຂວງບໍລິຄຳໄຊ ພົບປະແລກປ່ຽນບົດຮຽນກັບຄະນະໂຄສະນາອົບຮົມແຂວງສາລະວັນ

23

ມາໃນວັນທີ 21 ສິງຫາ 2018 ນີ້, ຄະນະໂຄສະນາອົບຮົມແຂວງບໍລິຄໍາໄຊ ໄດ້ເຂົ້າຮ່ວມພົບປະແລກ ປ່ຽນບົດຮຽນ ກັບຄະນະໂຄສະ ນາອົບຮົມແຂວງສາລະວັນຄະນະນໍາຄະນະໂຄສະນາອົບຮົມແຂວງ ບໍລິຄຳໄຊ ນໍາໂດຍ ສະຫາຍ ນາງ ພອນໄຊ ເລືອງມີໄຊ ກຳມະ ການພັກແຂວງ,ຫົວໜ້າຄະນະໂຄສະນາອົບຮົມແຂວງ, ມີຮອງຫົວໜ້າຄະນະ, ຫົວໜ້າ-ຮອງຫ້ອງການ, ຫົວໜ້າ-ຮອງຂະແໜງ, ຫົວໜ້າ-ຮອງຄະນະໂຄສະນາອົບຮົມເມືອງ ຂອງແຂວງບໍລິຄຳໄຊ ແລະ ພະນັກງານວິຊາການ ຈໍານວນ 21 ສະຫາຍ, ຍິງ 12 ສະຫາຍ. ຄະນະນໍາຄະນະໂຄສະນາອົບຮົມແຂວງສາລະວັນນໍາ ໂດຍສະຫາຍ ສີເຮັງ ຫອມສົມບັດ ຄະນະປະຈໍາພັກແຂວງ,ຫົວໜ້າຄະນະໂຄສະ ນາອົບ ຮົມແຂວງ,ມີບັນດາສະຫາຍຮອງຄະນະ,ຫົວໜ້າ-ຮອງຫ້ອງ ການ, ຫົວໜ້າ-ຮອງຂະແໜງ, ຫົວໜ້າ-ຮອງຫົວໜ້າຄະນະໂຄສະນາອົບ ຮົມ 8 ເມືອງ ແລະ ບັນດາສະຫາຍ ຈາກ 6 ກຸ່ມ ເຂົ້າ ຮ່ວມ 25 ສະ ຫາຍ, ຍິງ 5 ສະຫາຍ. ຈຸດປະສົງ ໃນການແລກປ່ຽນບົດຮຽນຄັ້ງນີ້ ແມ່ນແນ່ໃສ່ເພີ່ມທະວີຄວາມສາມັກຄີ ແລະ ນໍາເອົາບົດ ຮຽນດ້ານດີໃນການພັດທະນາເສດຖະກິດ – ສັງຄົມຂອງແຂວງ ເວົ້າລວມເວົ້າສະເພາະແມ່ນ ການຈັດຕັ້ງປະຕິບັດວຽກງານການເມືອງ-ແນວຄິດ ກໍ່ຄືວຽກງານໂຄສະນາອົບຮົມ ມາຖອດຖອນແລກປ່ຽນ, ຄົ້ນຄວ້າສົນທະນາ ເພື່ອຊອກບົດຮຽນດ້ານດີ ທີ່ຈະນໍາໄປຜັນຂະຫຍາຍ ແລະ ອັນອ່ອນນໍາໄປປັບປຸງປັງແກ້ໄຂ. ໃນພິທີຄັ້ງນີ້ ທັງສອງຝ່າຍໄດ້ສະເໜີວິທີ ການຈັດຕັ້ງປະຕິ ບັດໂຄສະນາສະນາຢູ່ແຂວງຂອງຕົນ ແລະ ເຈາະຈີ້ມຊັກຖາມບົດ ຮຽນໃນການຈັດຕັ້ງປະຕິບັດຂອງແຕ່ລະຝ່າຍ ຢ່າງມີບັນຍາກາດຟົດຟື້ນ. ຫຼັງຈາກນັ້ນທັງສອງຄະນະໂຄສະນາອົບຮົມແຂວງ ບໍລິຄໍາໄຊ ແລະ ສາລະວັນ ໄດ້ຕອບຂໍ້ຊັກຖາມ ແລະ ເວົ້າເຖິງວິທີໂຄສະນາຂອງແຕ່ລະຝ່າຍ. ໃນຕອນທ້າຍທັງສອງຝ່າຍ ຍັງໄດ້ມອບຂອງທີ່ລະນຶກ ແລະ ເຮັດບົດບັນທຶນຊ່ວຍຈໍາ ໃນບົດບັນທຶນມີຂໍ້ຄວາມວ່າ ຈະສືບຕໍ່ເພີ່ມທະວີການຮ່ວມມືແລກປ່ຽນບັນດາເນື້ອໃນ, ວິທີການໂຄສະນາເຊິ່ງກັນ ແລະ ກັນ, ທັງສອງຝ່າຍເຫັນດີເປັນເອກະພາບກັນຜັນປ່ຽນກັນໄປພົບປະແລກປ່ຽນບົດຮຽນນໍາກັນ. ໃນພິທີຄັ້ງນີ້ ໄດ້ດໍາເນີນໄປເວລາ 1 ຄາບຈື່ງອັດລົງດ້ວຍຜົນສໍາເລັດຢ່າງຈົບງາມ.

ແບ່ງປັນ