ປກສ ແຂວງສາລະວັນ ຝຶກອົບຮົມສະມາຊິກພັກໃໝ່

28

ໂດຍປະຕິວັດຕາມ:ຄໍາແນະນໍາຂອງຄະນະໂຄສະນາອົບຮົມ ສູນກາງພັກກ່ຽວກັບ: ການນໍາໃຊ້ເອກະສານອົບຮົມສະມາ ຊິກພັກໃໝ່ ສະບັບເລກທີ 14/ຄອສພ, ລົງວັນທີ 3/10/ 2017 ແລະ ມະຕິຕົກລົງຂອງຄະນະປະຈໍາພັກແຂວງສາລະວັນ ສະບັບເລກທີ 97/ຄຈພຂ.ສວ , ລົງວັນທີ 22 ພຶດ ສະພາ ປີ 2018 ວ່າດ້ວຍ:ອະນຸມັດໃຫ້ຄະນະໂຄສະນາອົບຮົມ ແຂວງສາລະວັນ ດໍາເນີນກອງປະຊຸມຝຶກອົບຮົມສະມາຊິກພັກໃໝ່ ທີ່ສັງກັດຢູ່ໜ່ວຍພັກອ້ອມຂ້າງແຂວງ. ມາໃນວັນທີ 6 ສິງຫາ ປີ 2018 ນີ້ ຄະນະໂຄສະນາອົບຮົມແຂວງສາລະວັນ ຮ່ວມກັບຮາກຖານພັກ ປກສ ແຂວງ ໄດ້ຮ່ວມ ກັນຈັດຕັ້ງການຝຶກອົບຮົມສະມາຊິກພັກໃໝ່ ຂຶ້ນທີ່ສະໂມ ສອນໃໝ່ຂອງແຂວງ ໂດຍໃຫ້ກຽດເຂົ້າຮ່ວມເປັນປະທານ ແລະ ບັນຍາຍເອກະສານຂອງສະຫາຍ ສີເຮັງ ຫອມສົມ ບັດ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ແລະ ມີສະຫາຍ ບຸນທຽມ ແກ້ວໄຊຍະວົງ ຮອງເລ ຂາພັກແຂວງ, ຫົວໜ້າຄະນະຈັດຕັ້ງແຂວງ ແລະ ສະຫາຍຄໍາສິງ ແກ້ວອໍາພອນ ຮອງຫົວໜ້າຄະນະໂຄສະນາອົບຮົມແຂວງ. ຊຸດຝຶກອົບຮົມຄັ້ງນີ້, ໄດ້ເອົບຮົມເອກະສານຝຶກອົບຮົມສະມາຊິກພັກໃໝ່ ສະບັບ ປີ 2017 ລວມມີ 5 ບົດ, ມີນັກວິທະຍາກອນບັນຍາຍເອກະສານ ມີ 3 ສະຫາຍ ແລະ ມີສະມາຊິກພັກໃໝ່ທີ່ສັງກັດຢູ່ ຮາກຖານ ປກສ ແຂວງ ເຂົ້າຝຶກອົບຮົມ 115 ສະຫາຍ, ຍິງ 17 ສະຫາຍ. ຈູດປະສົງໃນການຈັດຊຸດອົບຮົມເທື່ອນີ້, ແມ່ນເພື່ອຍົກລະດັບຄວາມຮູ້-ເຂົ້າໃຈກ່ຽວກັບມະຕິກອງປະຊຸມໃຫຍ່ຄັ້ງທີ X ຂອງພັກປະຊາຊົນປະຕິວັດລາວຢ່າງເລິກເຊິ່ງ ໂດຍສະເພາະແມ່ນຄວາມຮູ້ກ່ຽວກັບລັດທິມາກ-ເລນິນ, ວຽກງານກໍ່ສ້າງແລະ ປັບປຸງພັກ ແລະ ອື່ນໆ. ນອກນັ້ນ, ຍັງເປັນການສຶກສາອົບຮົມສະມາຊິກພັກໃໝ່ ໄດ້ມີຄວາມຮູ້ເຂົ້າໃຈ ແລະ ກໍາແໜ້ນໃນການກໍ່ສ້າງພັກປອດໃສ, ເຂັ້ມແຂງ ແລະ ໜັກແໜ້ນ. ໃນຕອນທ້າຍກກອງປະຊຸມ ໃຫ້ກຽດມມອບໃບຢັ້ງຢືນ ພ້ອມທັງມີຄໍາເຫັນໂອ້ລົມແລະ ກ່າວປິດຊຸດບັ້ນຝຶກອົບຮົມເທື່ອນີ້້ ໂດຍແມ່ນສະຫາຍ ສີເຮັງ ຫອມສົມບັດ ຄະນະປະຈໍາພັກແຂວງ, ຫົວໜ້າຄະນະໂຄສະ ນາອົບຮົມແຂວງ. ພິທີຄັ້ງນີ້, ໄດ້ດໍາເນີນໄປເປັນເວລາ 1 ວັນ ຈິ່ງອັດລົງດ້ວຍຜົນສໍາເລັດຢ່າງຈົບງາມ.

ແບ່ງປັນ