ຫວນຄືນ 109 ປີ ວັນຄ້າຍວັນເກີດປະທານສຸພານຸວົງ ແລະ ມູນເຊື້ອແບບພິເສດລາວ-ຫວຽດນາມ

136

ມາໃນຕອນເຊົ້າຂອງວັນທີ 24 ກໍລະກົດ 2018ນີ້,ຄະນະໂຄສະນາອົບຮົມແຂວງ ສາລະວັນ ໄດ້ຈັດຕັ້ງພິທີປາຖະກະຖາວັນຄ້າຍວັນເກີດ ປະທານສຸພາ ນຸວົງ ຄົບ ຮອບ 109 ປີ, ວັນສົນທິສັນຍາມິດຕະພາບແລະວັນສ້າງຕັ້ງສາຍພົວພັນຮ່ວມ ມືລາວ-ຫວຽດນາມ ໂດຍໃຫ້ກຽດເປັນປະທານ ພ້ອມທັງບັນຍາຍມູນດັ່ງກ່າວ ຂອງທ່ານ ສີເຮັງ ຫອມສົມບັດ ຄະນະປະຈໍາພັກແຂວງ, ຫົວໜ້າຄະນະໂຄສະ ນາອົບຮົມແຂວງມີທ່ານ ຫົວໜ້າແລະຮອງພະແນກການຫົວໜ້າ-ຮອງຫ້ອງ ການຫ້ອງການ, ນາຍ ແລະ ພົນທະຫານ, ນາຍ ແລະ ພົນຕໍາຫຼວດ, ພະນັກ ງານ-ລັດຖະກອນ ເຂົ້າຮ່ວມທັງໝົດ 243 ທ່ານ, ຍິງ 89 ໃນພີທີຄັ້ງນີ້, ທ່ານ ປະທານໄດ້ນໍາສະເໜີ 2 ຫົວຂໍ້ໃຫຍ່ ເປັນຕົ້ນແມ່ນ ທ່ານ ໄດ້ເລົ່າຄືນປະຫວັດຄວາມເປັນມາ ແລະ ຜົນງານການເຄື່ອນ ໄຫວ ຂອງປະທານທີ່ແສນເຄົາລົບຮັກ ຂອງພວກເຮົາຄື ທ່ານ ສຸພານຸວົງ ແລະ ໄດ້ເລົ່າເຫດການ ການຮ່ວມມືແບບພິເສດ ແລະ ສາຍພົວພັນການທູດລາວ-ຫວຽດນາມ ທີ່ຫາບໍ່ມີໃນໂລກ ພ້ອມທັງໄດ້ຍົກເຫດການຕົວຈິງທີ່ເກີດຂຶ້ນໃນເມື່ອກ່ອນ ດ້ວຍການນໍາເອົາຮູບພາບ, ວີດີໂອສາຍໃຫ້ບັນດາຜູ້ ຟັງໄດ້ເຫັນປະຈັກຕາ ສົມກັບເຫດການຕໄວຈິງ. ຈຸດ ປະສົງໃນການຈັດຕັ້ງປາຖະກະຖາຄັ້ງນີ້ ແມ່ນເພື່ອໃຫ້ພະນັກ ງານສະມາຊິກພັກ , ພະນັກງານ-ລັດຖະກອນ, ນາຍແລະ ພົນທະຫາຍ, ນາຍ ແລະ ພົນຕໍາຫຼວດ ຕະຫຼອດຮອດພໍ່ແມ່ປະຊາຊົນບັນເຜົ່າຊາວແຂວງສາລະວັນ ໄດ້ຮູ້ຊີວິດ ແລະ ການເຄື່ອນໄຫວ ຂອງຜູ້ນໍາປະຕິວັດລາວໃນສະໄໝຕໍ່ສູ້ກູ້ຊາດ ແລະ ຮໍ່າຮຽນເອົາຄຸນງານຄວາມດີ, ຄຸນສົມບັດສິທໍາປະຕິວັດລາວ ແລະ ເສີມຂະຫຍາຍມູນເຊື້ອດັ່ງກ່າວ ໃຫ້ຢືນຍົງຄົງຢູ່ໃນໃຈປະຊາຊົນລາວຕະຫຼອດໄປ; ນອກຈາກນັ້ນ,ທ່ານຍັງໄດ້ເສີມຢາກໃຫ້ປະຊາຊົນບັນດາເຜົ່າຮູ້ສາຍພົວພັນລາວ-ຫວຽດນາມ ເປັນມູນ ເຊື້ອແບບພິເສດ ລາວຫວ່າງ ລາວ-ຫວຽດນາມ ທີ່ຫາບໍ່ມີໃນປະຫວັດສາດໂລກ ທີ່ມີຄວາມສາມັກຄີແບບພໍ່ແມ່ດຽວກັນ ແລະ ຮ່ວມຂຸມຄອງດຽວກັນ, ຕໍ່ສູ້ສັດຕູໂຕດຽວກັນ ຈົນສາມາດຍາດໄຊຊະນະ ໃນຕໍ່ສະໄໝຕໍ່ສູ້ກູ້ຊາດ. ພິທີຄັ້ງນີ້ ໄດ້ດໍາເນີນໄປເປັນເວລາ 1 ຄາບ ເລີ່ມແຕ່ 8:30 ໂມງຫາ 11:00 ໂມງ ຈິ່ງປິດລົງດ້ວຍຜົນສໍາເລັດຢ່າງຈົບງາມ.

ແບ່ງປັນ