ໜ່ວຍພັກ ໂຄສະນາອົບຮົມແຂວງສາລະວັນ ຈັດພິທີຮັບສະມາຊິກພັກໃໝ່

41

ມາໃນຕອນເຊົ້າຂອງວັນທີ 13 ກໍລະກົດ 2018 ນີ້, ໜ່ວຍພັກຄະ ນະໂຄສະນາອົບຮົມແຂວງ ສາລະວັນ ໄດ້ຈັດຕັ້ງພິທີຮັບສະມາ ຊິກພັກໃໝ່ຂຶ້ນທີຫ້ອງປະຊຸມຊັ້ນ III ຂອງຫ້ອງວ່າການປົກຄອງແຂວງສາລະວັນ ໂດຍໃຫ້ກຽດເປັນປະທານ ຂອງສະຫາຍ ສີເຮັງ ຫອມສົມບັດ ຄະນະປະຈໍາພັກແຂວງ, ເລຂາໜ່ວຍພັກຄະນະໂຄສະນາອົບຮົມແຂວງ, ຫົວໜ້າຄະນະໂຄສະນາອົບຮົມແຂວງ ແລະ ບັນດາສະຫາຍ ຕ່າງໜ້າໜ່ວຍພັກ ຄະນະຈັດຕັ້ງແຂວງ, ຄະນະກວດກາແຂວງ ແລະ ສະມາຊິກພັກສົມບູນ, ສໍາຮອງ ຈາກຄະນະໜ່ວຍພັກ ໂຄສະນາອົບຮົມແຂວງ ສາລະວັນ ເຂົ້າ ຮ່ວມ ເປັນສັກຂີພິຍານທັງໝົດ 20 ສະ ຫາຍ, ຍິງ 5 ສະຫາຍ ໃນພິທີຄັ້ງນີ້, ມີສະມາຊິກພັກສົມບູນ 6 ສະຫາຍ ຜູ້ຕິດຕາມມະຫາຊົນຜູ້ທີ່ມີຄວາມກ້າວໜ້າ ຂຶ້ນມາຢັ້ງຢືນ ແລະ ຮັບປະກັນ ເອົາບັນດາສະຫາຍສະມາຊິກພັກໃໝ່. ຫຼັງຈາກນັ້ນ, ມະຫາຊົນ ທັງ 3 ສະຫາຍ ທີ່ສັງກັດຢູ່ໜ່ວຍພັກຄະນະໂຄສະນາອົບຮົມແຂວງ ໄດ້ຂຶ້ນມາຜ່ານໃບຄໍາຮ້ອງເຂົ້າເປັນສະມາຊິກພັກປະຊາຊົນປະຕິວັດລາວ. ເພື່ອເປັນການຢັ້ງຢືນໃນການຮັບເອົາ 3 ສະຫາຍເປັນສະມາຊິກພັກສໍາຮອງ ມີຕ່າງໜ້າຄະນະຈັດ ຕັ້ງແຂວງ ໄດ້ຂື້ນຜ່ານມະຕິຕົກລົງ ຂອງຄະນະປະຈໍາພັກແຂວງວ່າດ້ວຍ:ການອະນຸມັດຮັບເອົາມະຫາຊົນຜູ້ທີ່ມີຄວາມກ້າວໜ້າ ເຂົ້າເປັນສະມາຊິກພັກປະຊາຊົນ ປະຕິວັດລາວ. ໃນນັ້ນ, ຕອນທ້າຍພິທີ ປະທານກອງປະຊຸມ ໄດ້ອະທິບາຍສິດ, ຂໍ້ຫ້າມຂອງສະມາຊິກພັກ ພ້ອມທັງມີຄໍາເຫັນໂອ້ລົມຕໍ່ພິທີ ໃນນັ້ນ, ສະຫາຍໄດ້ມີຄໍາເຫັນໂອ້ລົມ ແລະ ຊີ້ທິດເຍື່ອງທາງໃຫ້ແກ່ສະມາຊິກພັກໃໝ່ ຢ່າງເຕັມປ່ຽມ ແລະ ຊຸກຍູ້ໃຫ້ສະມາ ຊິກພັດໃໝ່ ສືບຕໍ່ຝຶກຝົນຫຼໍ່ຫຼອມຕົນເອງ ແລະ ຕັ້ງໜ້າຈັດຕັ້ງປະຕິບັດໜ້າທີ່ ທີ່ໜ່ວຍພັກ ມອບໝາຍໃຫ້ ໃຫ້ມີຜົນສໍາເລັດ ແລະ ໃນຕອນສຸດທ້າຍພິທີ ທັງ 3 ສະຫາຍ ສະມາຊິກພັກໃໝ່ ໄດ້ຂຶ້ນຮັບຄໍາໂອວາດຈາກຄະນະພັກຂັ້ນເທິງ ຢ່າງຈິງໃຈ. ພິທີຄັ້ງນີ້, ໄດ້ດໍາເນີນໄປເປັນເວລາ 1 ຄາບ ຈິ່ງປິດລົງດ້ວຍຜົນສໍາເລັດຢ່າງຈົບງາມ.

ແບ່ງປັນ