ກົມວາລະສານໂຄສະນາ ຄະນະໂຄສະນາອົບຮົມສູນກາງພັກ ລົງມາເຮັດວຽກຢູ່ແຂວງສາລະວັນ

ໂດຍປະຕິບັດຕາມ: ຂໍ້ຕົກລົງ ຂອງຄະນະໂຄສະນາອົບຮົມສູນກາງພັກ ສະບັບເລກທີ 157/ຄອສພ, ລົງວັນທີ 5/6/2018 ວ່າດ້ວຍ ການແຕ່ງຕັ້ງພະນັກງານເກັບກໍາຂໍ້ມູນຢູ່ແຂວງ ສາລະວັນ ແລະ ແຜນການເຄື່ອໄຫວຄະນະ ບ ກ ວາລະສານ ໂຄສະນາສູນກາງພັກ ສະບັບເລກທີ 47/ຄວນ, ລົງວັນທີ 4/6/2018 ມາໃນຕອນເຊົ້າຂອງວັນທີ 13/6/2018 ເວລາ 8: 00 ໂມງ. ຄະນະໂຄສະນາອົບຮົມແຂວງສາລະວັນ ຮ່ວມກັບກົມວາລະສານ ຄະນະໂຄສະນາສູນກາງພັກ ນໍາໂດຍທ່ານ ໂພເມກ ວິໄລສັກ ຫົວໜ້າຄະນະ ບ.ກ ວາລະສານໂຄ ສະນາ, ທ່ານ ນາງ ອໍາພັນທອງ ເພັດບຸນພອນ ແລະ ທ່ານ ນາງ ພັດ ລໍວັນໄຊ ວິຊາການໂຄສະນາສູນກາງ ຄະນະໂຄສະນາອົບຮົມແຂວງສາລະວັນ ນໍາໂດຍ ທ່ານ ສີສຸດອນ ອັງຄະໄລ ຮອງຫົວໜ້າຄະນະໂຄສະນາອົບຮົມແຂວງ ສາລະວັນ ຈຸດປະສົງໃການລົງມາເຮັດວຽກງານຄັ້ງນີ້ ແມ່ນເພື່ອເກັບກໍາຂໍ້ມູນ ກ່ຽວກັບການຈັດຕັ້ງປະຕິບັດແນວແຜນນະໂຍບາຍຂອງພັກ ໂດຍສະເພາະແມ່ນການຜັນຂະຫຍາຍມະຕິ X ຂອງພັກ, ການປະຕະບັດຄໍາສັ່ງເລກທີ 15/ນຍ; ການພັດທະນາເສດຖະກິດ-ສັງຄົມຂອງແຂວງ, ຂອງເມືອງ, ບ້ານ ແລະ ກຸ່ມບ້ານພັດທະນາກໍ່ຄືຄອບຄົວຕົວ ແບບໃນການພັດທະນາເສດຖະກິດຄອບຄົວ ແລະ ບັນຫາພົ້ນເດັ່ນອື່ນໆ ເພື່ອມາຂຽນເປັນບົດອອກວາລະສານໂຄສະນາ
. ຄະນະໂຄສະນາອົບຮົມແຂວງສາລະວັນ ກັບ ຄະນະ ບ.ກ ວາລະສານໂຄສະນາສູນກາງພັກ ໄດ້ເຂົ້າຮ່ວມເຮັດວຽກກັບທ່ານ ຄໍາຜ່ານ ສີລາວີ ຫົວໜ້າພະແນກອຸດສະຫະກໍາ ແລະ ການຄ້າແຂວງ. ຈາກນັ້ນກໍ່ໄດ້ສໍາພາດທ່ານ ຄໍາຜ່ານ ສີລາວີ ການປະຕະບັດຄໍາສັ່ງເລກທີ 15/ນຍ; ໂດຍຍົກໃຫ້ເຫັນກ່ອນ ແລະ ຫຼັງຄໍາສັ່ງ, ການພັດທະນາເສດຖະກິດ-ສັງຄົມ ຂອງແຂວງໃນປີ 2017 ແລະ ທິດທາງແຜນການປະຈໍາປີ 2018 ຫຼັງຈາກສໍາພາດທ່ານ ຄໍາຜ່ານ ສີດາວີ ສໍາເລັດແລ້ວ ກໍ່ໄດ້ນໍາພາຫົວໜ້າຄະນະ ບ.ກ ວາລະສານໂຄສະນາໄປເກັບຂໍ້ມູນຢູ່ 2 ຕົວເມືອງຄື: ເມືອງຕະໂອ້ຍ ແລະເມືອງສະໝ້ວຍ. ຄະນະ ບ.ກ ວາລະສານໂຄສະນາສູນ ກາງພັກ ໄດ້ເຂົ້າຮ່ວມເຮັດວຽກກັບທ່ານ ສໍາລີ ໂພທິສານ ຫົວໜ້າດ່ານສາກົນລະໄລ ແລະ ກໍ່ໄດ້ສໍາພາດທ່ານ ສໍາລີ ໂພທິສານ ໃນການປະຕະບັດຄໍາສັ່ງເລກທີ 15/ນຍ; ໂດຍຍົກໃຫ້ເຫັນກ່ອນ ແລະ ຫຼັງຄໍາສັ່ງ, ການພັດທະນາເສດຖະກິດ – ສັງຄົມ ຂອງດ່ານໃນການເກັບລາຍຮັບງົບປະມານປີ 2017 ແລະ ທິດທາງແຜນການການເກັບລາຍຮັບງົບປະມານປະຈໍາປີ 2018 ໃຫ້ສໍາເລັດຕາມຄາດໝາຍທີ່ວາງໄວ້. ໃນຕອນບ່າຍຂອງວັນທີ 13/6/2018 ເວລາ 2: 00 ໂມງ. ຄະນະໂຄສະນາອົບຮົມແຂວງ ພ້ອມດ້ວຍກົມວາລະສານໂຄສະນາສູນກາງພັກ ໄດ້ເຂົ້າຮ່ວມເຮັດວຽກ ແລະ ສໍາພາດທ່ານ ບຸນຍັງ ສີຄໍາດີ ຮອງເລຂາພັກເມືອງໆ ຕະໂອ້ຍ ຜູ້ຊີ້ນໍາວຽກງານກວດກາເມືອງ ກ່ຽວກັບການປະຕະບັດຄໍາສັ່ງເລກທີ 15/ນຍ; ໂດຍຍົກໃຫ້ເຫັນກ່ອນ ແລະ ຫຼັງຄໍາສັ່ງ, ໃນການພັດທະນາເສດຖະກິດ – ສັງຄົມ ຂອງເມືອງ, ບ້ານ ແລະ ກຸ່ມບ້ານພັດທະນາກໍ່ຄືຄອບຄົວຕົວແບບໃນການພັດທະນາເສດຖະກິດຄອບຄົວ ເພື່ອໃຫ້ຫຼຸດພົ້ນຈາກຄວາມທຸກຍາກ.