ເມືອງສາລະວັນ ຈັດຕັ້ງປາຖະກະຖາວັນສໍາຄັນ ຂອງຊາດພັກ ແລະ ຂອງສາກົນ ຕິດພັນກັບການເຜີຍແຜ່ສະພາບການຊາຍແດນລາວ-ກຳປູເຈຍ

ໃນວັນທີ 13 ມິຖຸນາປີ 2018 ນີ້້, ຄະນະໂຄສະນາອົບຮົມເມືອງສາ ລະວັນ ໄດ້ຈັດຕັ້ງພິທີປາຖະກະຖາວັນສໍາຄັນ ຂອງຊາດ ຂອງພັກ ແລະຂອງສາກົນ ເປັນຕົ້ນແມ່ນວັນຄ້າຍວັນເກີດທ່ານ ກາກມາກ ຄົບຮອບ 200 ປີ, ວັນຄ້າຍວັນເກີດ ປະທານ ໂຮ່ຈີມິນ ຜູ້ນໍາທີ່ແສນເຄົາລົບຮັກ ຄົບຮອບ 128 ປີ, ວັນໄຊຊະນະຂອງໂຊວຽດ ໃນສົງຄາມໂລກຄັ້ງທີ 2 ຄົບຮອບ 73 ປີ, ວັນໄຊຊະນະບັ້ນຮົບດຽນວຽນຟູ ຄົບຮອບ 64 ປີ, ການຜ່ານວົງປິດລ້ອມ ຂອງກອງພັນທີສອງວິລະຊົນ ທີ່ທົ່ງໄຫຫີນ ຊຽງຂວາງ ຄົບຮອບ 59 ປີ ແລະ ເຫດ ການວິລະກຳແຄກຄຸກໂພນເຄັງຢ່າງມະຫັດສະຈັນ ຂອງຜູ້ນໍາຂອງ ພັກ ແລະ ແນວລາວຮັກຊາດ ຄົບຮອບ 58 ປີ ຕິດພັນກັບການເຜີຍແຜ່ເຊື່ອມຊຶມສະພາບການຊາຍແດນລາວ – ກຳປູເຈຍ ຂຶ້ນທີ່ສະໂມສອນຂອງເມືອງ ໂດຍໃຫ້ກຽດເປັນປະທານ ແລະ ເລົ່າຄືນເຫດການດັ່ງກ່າວ ຂອງທ່ານ ສີເຮັງ ຫອມສົມບັດ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ສາລະວັນ ໃຫ້ກຽດເຂົ້າຮ່ວມຮັບຟັງ ມີທ່ານ ພູນສັກ ໄຊຍະເສນ ກໍາມະ
ການປະຈໍາພັກເມືອງ, ຫົວໜ້າຄະນະໂຄສະນາອົບຮົມເມືອງ ສາລະວັນ, ມີບັນທ່ານຫົວໜ້າ – ຮອງຫ້ອງການ, ຫົວໜ້າ-ຮອງຂະແໜງ, ພະນັກງານບໍານານ, ກຳລັງ ປກສ, ກໍາລັງ ປກຊ ແລະ ພ້ອມດ້ວຍພະນັກງານ – ລັດຖະກອນ, ຫົວໜ້າກຸ່ມບ້ານ 11 ບ້ານ ອ້ອມຂ້າງເມືອງ ເຂົ້າຮ່ວມທັງໝົດ 205 ທ່ານ, ຍິງ 99 ທ່ານ. ຈຸດປະສົງໃນການຈັດຕັ້ງເຊື່ອມຊຶມ ແມ່ນເພື່ອສຶກສາອົບຮົມເປົ້າໝາຍຕ່າງໆ ໃນຂອບເຂດທົ່ວເມືອງ, ເວົ້າສະເພາະກໍ່ຄື: ສຶກສາອົບຮົມປະຊາຊົນບັນດາເຜົ່າຊາວເມືອງ ສາລະວັນ ໃຫ້ຮູ້ຈັກຮັກເຊື້ອແພງຊາດ, ຮັກທ່ານຜູ້ນໍາສາກົນ ກໍ່ຄືຜູ້ພັກ-ລັດເຮົາ ທີ່ມີມູນເຊື້ອ ແລະ ບົດຮຽນອັນລໍ້າຄ່າໄວ້ ໃຫ້ພວກເຮົາ, ພ້ອມນີ້ທັງ ເປັນການປຸກລະດົມຈິດໃຈຮັກຊາກ, ເຕົ້າໂຮມຄວາມສາມັກໃຫ້ເປັນປຶກແຜ່ນ, ມີສະຕິລະວັງຕົວ, ແກ້ໄຂບັນຫາທີ່ຈະເກີດຂຶ້ນ ຕາມການຊີ້ນໍາ – ນໍາພາຂອງພັກ-ລັດເຮົາ. ໃນພິທີຄັ້ງນີ້, ໄດ້ດໍາເນີນໄປເປັນເວລາ 1 ຄາບ ຈິ່ງອັດລົງດ້ວຍຜົນສໍາເລັດຢ່າງຈົບງາມ.