ເມືອງເລົ່າງາມ ຈັດຕັ້ງເຊື່ອມຊຶມເອກະສານ ສະພາບການຊາຍແດນລາວ-ກຳປູເຈຍ

ໃນວັນທີ 7 ມີຖຸນາ ປີ 2018 ນີ້້ ຄະນະໂຄສະນາອົບຮົມເມືອງເລົ່າງາມ ໄດ້ຈັດຕັ້ງເຜີຍແຜ່ເຊື່ອມຊຶມgເອກະສານ ສະພາບການຊາຍແດນລາວ – ກຳປູເຈຍ ຂຶ້ນທີ່ສະໂມສອນຂອງເມືອງ ໂດຍ ໃຫ້ກຽດເປັນປະທານ ແລະ ເລົ່າຄືນເຫດການດັ່ງກ່າວ ຂອງທ່ານ ສີເຮັງ ຫອມສົມບັດ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງສາລະວັນ ໃຫ້ກຽດເຂົ້າຮ່ວມຮັບຟັງມີ ທ່ານ ນາງ ສູນທອນ ແກ້ວບົວລະພາ ກໍາມະການພັກແຂວງ, ເລຂາພັກ-ເຈົ້າເມືອງໆເລົ່າງາມ, ຫົວໜ້າ-ຮອງຫ້ອງການ, ຫົວໜ້າ-ຮອງຂະ ແໜງການ, ພະນັກງານບໍານານ, ກຳລັງ ປກສ,ກໍາລັງປກຊ ແລະ ພ້ອມດ້ວຍພະນັກງານ-ລັດຖະກອນ, ຫົວໜ້າກຸ່ມບ້ານ ອ້ອມຂ້າງເມືອງ ເຂົ້າຮ່ວມທັງໝົດ 164 ທ່ານ, ຍິງ 64 ທ່ານ; ສະມາຊິພັກ 154 ສະຫາຍ, ຍິງ 45 ສະ ຫາຍ. ຈຸດປະສົງໃນການຈັດຕັ້ງເຊື່ອມຊຶມແມ່ນ ເພື່ອສຶກສາອົບຮົມເປົ້າໝາຍຕ່າງໆໃນຂອບເຂດທົ່ວແຂວງ ເວົ້າລວມສະເພາະ, ສຶກສາອົບຮົມເປົ້າໝາຍທົ່ວເມືອງ ໃຫ້ຮັບຮູ້ເຂົ້າໃຈເປັນເອກະພາບກັນ, ປຸກລະດົມຈິດໃຈຮັກຊາດ ເຕົ້າໂຮມຄວາມສາມັກຄີເປັນປຶກແຜ່ນ, ມີສະຕິລະວັງຕົວ, ແກ້ໄຂບັນຫາທີ່ຈະເກີດຂຶ້ນ ຕາມການຊີ້ນໍາຂອງພັກ-ລັດເຮົາ. ໃນພິທີຄັ້ງນີ້, ໄດ້ດໍາເນີນໄປເປັນເວລາ 1 ຄາບ ຈິ່ງອັດລົງດ້ວຍຜົນສໍາເລັດຢ່າງຈົບງາມ.