ສອງຄະນະໂຄສະນາອົບຮົມແຂວງ ແລະ ເມືອງສາລະວັນ ປູກຕົ້ນໄມ້ ເນື່ອງໃນວັນປູກຕົ້ນໄມ້ແຫ່ງຊາດ 2018

ເນື່ອງໃນວັນປູກຕົ້ນໄມ້ແຫ່ງຊາດ ທົ່ວປະເທດ ກໍ່ຄືທົ່ວແຂວງສາ ລະວັນ ກຳລັງພ້ອມກັນສະເຫຼີມສະຫຼອງວັນປູກຕົ້ນໄມ້ ຢ່າງເປັນຂະບວນຟົດຟົດ. ໃນຄະນະເວລາດຽວກັນນີ້, ຄະນະໂຄສະນາອົມຮົມແຂວງສາລະວັນ ຮ່ວມກັບຄະນະໂຄສະນາອົບຮົມເມືອງສາລະວັນ ໄດ້ຮ່ວມກັນປູກຕົ້ນໄມ້ ທີ່ຂອບເຂດຄວາມຮັບຜິດຊອບຂອງຕົນ ຂຶ້ນທີ່ບ້ານນາຂ້ອຍສາວ ເມືອງສາລະວັນ ເຊິ່ງນໍາໂດຍທ່ານ ສີເຮັງ ຫອມສົມບັດ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ແລະ ຄະນະນໍາຂອງເມືອງສາລະວັນ ນໍາໂດຍທ່ານ ພູນສັກ ໄຊຍະເສນ ຄະນະປະຈໍາພັກເມືອງ, ຫົວໜ້າຄະນະໂຄສະນາອົບຮົມເມືອງສາລະວັນ ພ້ອມດ້ວຍພະນັກງານ-ລັດຖະກອນ ຈາກຄະນະໂຄສະນາອົບຮົມແຂວງ ແລະ ເມືອງເຂົ້າຮ່ວມໃນການຈັດຕັ້ງກິດຈະກໍາຄັ້ງນີ້. ໃນການປູກເທື່ອນີ້ ທັງສອງຄະນະນໍາ ໄດ້ແບ່ງຄວາມຮັບຜິດຊອບໃນການເບີ່ງແຍງດູແລຕົ້ນໄມ້ທີ່ປູກໄປແລ້ວ ໃຫ້ຈະເລີນເຕີບໂຕ ໃນພິທີຄັ້ງນີ້, ທັງສອງຄະນະໂຄສະນາອົບຮົມ ແຂວງ ແລະ ເມືອງ ໄດ້ໃຫ້ຄໍາໝັ້ນສັນຍາວ່າ ຈະຮັກສາບົວລະບັດຕົ້ນໄມ້ທີ່ປູກໄປແລ້ວ ໃຫ້ຈະເລີນເຕີບໂຕ.