ເຜີຍແຜ່ສະພາບການລາວ-ກຳປູເຈຍ ຕິດພັນກັບການໂຄສະນາສະນາປາຖະກະຖາ 6 ວັນປະຫວັດສາດຂອງຊາດຂອງພັກ ແລະ ຂອງສາກົນ ທີ່ແຂວງສາລະວັນ

ໃນວັນທີ 16 ເດືອນ 5 ປີ 2018ນີ້, ຄະນະໂຄສະນາອົມຮົມແຂວງສາລະວັນ ໄດ້ຈັດຕັ້ງປາຖະກະຖາວັນ 6 ວັນປະຫວັດສາດຂອງຊາດຂອງພັກ ແລະ ຂອງສາກົນຄື: ວັນຄ້າຍວັນເກີດທ່ານ ກາກມາກ ຄົບຮອບ 200ປີ, ການໄດ້ຮັບໄຊຊະນະຂອງໂຊວຽດເໜືອຟາດຊິດເຍຍລະມັນໃນສົງຄາມໂລກຄັ້ງທີ 2 ຄົບຮອບ 73 ປີ, ວັນຄ້າຍວັນ ເກີດທ່ານ ໂຮ່ຈິມີນ ຄົບຮອບ 128 ປີ, ການໄດ້ຮັບໄຊຊະນະບັ້ນຮົບດຽນບຽນຟູ ຄົບຮອບ 64 ປີ, ການຜ່ານວົງປິດລ້ອມຂອງກອງພັນທີສອງວິລະຊົນ ທີ່ທົ່ງໄຫຫີນຊຽງຂວາງ ຄົບຮອບ 59 ປີ ແລະ ວິລະກໍາໂຕກຄຸກຢ່າງມະຫັດສະຈັນຂອງບັນດາຜູ້ນໍາຂອງພັກແລະ ແນວລາວຮັກຊາດຄົບຮອບ58ປີ ຕິດພັນກັບການເຜີຍແຜ່ ເອ ກະສານສະພາບການລາວ – ກໍາປູເຈຍ ພ້ອມດ້ວຍອະທິບາຍຄຳຖາມ -ຄຳຕອບເຫດການດັ່ງກ່າວ ໃຫ້ກຽດເປັນປະທານ ແລະ ຂຶ້ນບັນຍາຍໂດຍທ່ານ ສີເຮັງ ຫອມສົມບັດ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ມີບັນດາທ່ານຫົວໜ້າ-ຮອງພະແນກການ, ນາຍ ແລະ ພົນທະຫານ, ນາຍ ແລະ ພົນຕໍາຫຼວດ, ຫົວໜ້າ-ຮອງຫົວໜ້າຫ້ອງການ, ຫົວໜ້າ-ຮອງຂະແໜງ,ພະນັກງານ-ລັດຖະກອນ, ຄູ-ອາຈານ ພ້ອມທັງນັກຮຽນ
ຈາກວິທະຍາໄລຄູ, ໂຮງຮຽນ ມສ ສາລະວັນ, ມສ ອົງແກ້ວ ແລະ ມສ ຊົນເຜົ່າ ເຂົ້າຮ່ວມທັງໝົດ 255 ຄົນ, ຍິງ 85 ຄົນ, ສະມາຊິກພັກ 160 ສະຫາຍ, ຍິງ 45 ສະຫາຍ. ຈຸດປະສົງໃນການຈັດຕັ້ງປາຖະກະຖາເທື່ອນີ້, ແມ່ນເພື່ອໂຄສະນາແນວທາງຂອງພັກ ໃຫ້ບັນດາພະນັກງານ-ລັດຖະກອນ ແລະ ປະຊາຊົນບັນດາເຜົ່າ ຮັບຮູ້ເຂົ້າໃຈຕໍ່ເຫດການດັ່ງກ່າວ ແລະ ມີສະຕິລະວັງຕົວ ຕໍ່ກົນອຸບາຍຂອງກຸ່ມຄົນບໍ່ດີ ທີ່ຫວັງທໍາລາຍມ້າງເພ ລະບອບໃໝ່ຂອງພັກປະຊາຊົນປະຕິວັດລາວພວກເຮົາ. ໃນພິີທີຄັ້ງນີ້ໄດ້ດໍາເນີນໄປເປັນເວລາ 1 ຄາບ ເລີ່ມແຕ່ 8:30 ໂມງ ເຖິງ 11:30 ໂມງ ຈິ່ງອັດລົງດ້ວຍຜົນສໍາເລັດຢ່າງຈົບງາມ